حياتي كنها مركب بلا مرسى ولا أهداف..
تلاطمني بحور الحب ولا أدري وين ترميني..
شراعي هو لي الذكرى وأنتي بدنيتي مجداف..
تعبت أرضيك يا حظي وليتك يوم ترضيني..
عطيته كل ما عندي عيوني له سكن ولحاف..
عسى بعد الزعل يقبل بصدر الحب يدفيني..
أبي قلبه على قلبي أبي عدله يكون أنصاف..
سقيم الحب يا قلبي وكلمه منه تشفيني..
ثلاث حروف لا تنطق أبي تنطق معاها الكاف..
أحبك كلمة سهله وإلا وشفيك مشقيني..
أحبك حب لو تدري ملاها الكون زود أضعاف..
أنا أترجاك يا عمري بحق الحب راعيني..
يقول الحب ذا طبعه وأقول الحب ذا ينخاف..
صراخه قلتها مدري بدون شعور وأعفيني..
نظرتك داخل أعماقي لقيتك حلوة الأوصاف..
وحقيقه جمرة حمرا إلي نلتك كويتيني..
أبطوي صفحة أحزاني وذا ححب مضالي طاف..
تعبت أرجي ولا همك أظن يكفي جرحتيني..
خساره قلبي المجروح خساره دمعتي تنشاف..
تبلل ريق عذالي من ادموعي قتلتيني..

------------------
من يشتري قلبٍ همومه ملايين...
ويبيعني قلبٍ من الهم خالي..