ياشين دنيا همها يفجع أقلـــــــــوب
…………………...يسرق من الرجال فكره وشوفــه
يقطعك يا دمع طغى وأغرق الثــــوب
…………………..لافيك لا رحمة ولابك مروفــــــــه
أهون على المعطوب يموت معطوب
…………………..ولا يعيش بحسرته وسط جوفـــه
دام الوداع بكل الأحوال مكتـــــــوب
…………………..ترى دموعك بالعيون مخلوفـــــه
المشكلة ما هيب في فرقى المحبوب
………………….مادام هو حي وتقــدر تشوفـــــــه
الموت هو فرقى واحدٍ عنك محجوب
………………….غيب عليك الموت صوته وشوفه
كم واحدٍ حبه على الكبد مصبـــــوب
………………….لا فارقك ما عاد عقبه حسوفــــه
وكم واحدٍ حبه سواليف واكـــــذوب
………………….له ذمة تكفي جحافل حلوفــــــــه
رضعت من ثدي الشقاء هم محلوب
…………………وأقفت حياتي بالهموم معسوفـــه
يا نفس لاترمي معزبك بالطــــــوب
………………….مادامك أنتي عارفة وش ظروفه
مالي مع المقفين حاجة ومطلــوب
………………….عزيت نفسي وأرتضيت النكوفه
خوفي أجي والنفس مليانة أذنــوب
………………….في يوم ما يشفع للأنسان خوفه