والله ثم والله .. والله والله ... والله ... ماتسوون فردة نعاله
لالا .. ولا حتى تساوون ماطاه ... حاشا يمينه .. لا .. ماطا شماله
الله على زهده ودينه وتقواه ... الله على شماغه وميلة عقاله
من فيكم اللي يـ ( السرابيت ) يسواه؟...من فيكم اللي بس ياصل ظلاله ؟
وش لك بذيبان الرجاجيل ياشاه ؟ ... بالبشت وش لك يامردّ الشماله ؟
امّيته ماهي تعيبه وتشناه ... ماعابت اللي قد بعث بالرساله
هذا درس بفصول نجد المسمّاه ... اعلى دروس المرجله والشكاله
الله يبيح اللي على الدين ربّاه ... ابوه اخو نوره وشمّر خواله
يعني ترى مجده من اقصاه لاقصاه ... رجّال موقف لابغيت الرجاله
ماهوب مثل اللي وحاشاه حاشاه ... كم سرسري حوله مجمّع حثاله !
قصيدة لمحمد النفيعي
.gif)
تعليق