في غير الزمان *** في نفس المكان
.....مرتنى الذكرى وانا واقف
في نفس المكان *** في غير الزمان

.....في ذا ضكت ايام لكني بكيت
........في ذا حلمت احلام لكني صحيت
ومنها ابتديت *** وفيها انتهيت
..... إلا من الذكرى
في نفس المكان *** في غير الزمان

قالت لى الذكرى كلام عني *** كلام والله بغيت انساه
وصاحت ربابة شوق واثر النغم منى .. يشكى وانا شكواه
وغنى صوت في ليلة فرح *** وهلت عين وقلب انجرح
في صوتها جرح وتعب *** وفي عيونها نظرة عتب
وشفت ابتسامه عليها هلت الدمعه
...................... ونظرة ملامه من الماضي على ربعه
........ وانا مع الذكرى
في نفس المكان *** في غير الزمان

تعطيني الذكرى ولا تاخذ أبد
تحكى لي الذكرى ولا تسمع احد
وانا عندى كلام ممنوع حتى من الخاطر
لا ياخذه أمسي و لايقبله باكر
ما اقدار أوضح غايم الصوره
ولا ازود للمسا نوره
الله يا ذكرى ياما فهمتيني خطا
يا ما قدم رجلي علي جمرك وطا
واليوم هيضني هواي
أشكى ولا ادري وش بلاي
هو من شقاي اللي مضى
والا هـــــــنـــــاي
....... وانا مع الذكرى
في نفس المكان *** في غير الزمان

خالد الفيصل