ياحيف منهو بدل العدل بالميل *** وانكر هوى باله وخانه غروره

غرّه هواه اللي بقلبي كماالسيل *** يامر وينهى ما يداري شعوره

مسكين ياقلب سهر لآخر الليل *** يرجي وصاله ويتذكر سروره

في كل يوم انتظر منه ايميل *** حتى الماسينجر مايبين حضوره

ايازمان الوصل اذكرك بلحيل *** يوم الصغير يجهر العين نوره

اذكر زمان فيه حلو الشهاليل *** وارجي وصاله واتقي من شروره

في المنتدى اكتب وابين بتعديل *** حلو المعاني سابح في بحوره

لاشفت انا رده ولا منه توصيل *** ليت الغضي يفهم يبين حبوره

ياونة ونيتها من ردى الحيل *** علّه يحن بوصل ويجبر كسوره

عمهوجة فيها من الحور تمثيل *** يصون عرضه ما يبيّن اموره

وعيون نجل دون كحل ولا ميل *** ربي خلقها اصل مهيب صوره

اذا سكن رمشه بدت لي تهاويل *** تجرح رموشه كالسهام البتوره

زين الحلايا كنها نجمة سهيل *** تضوي على قلبي تبرّد حروره