:
:


.
خنتيني
ورجعتي لحبك الأول
.
خنتيني
ورميتي بحلفك الكاذب
وخنتيني
.
.
رجعتي له
بعد ما سهر أيام.. يألفها
كذبة.. لجل يحكيها.. وتصدقينه
رجعتي له
كلامه سمم أفكارك
ثلجه طفا بركانك
ورجعتي له
.
.
رحتي له
وقطعتي رسايلنا..
ورميتي دفتر الأشعار
سجنتي كل آمالي وأحزاني
وحرقتي كل ذكرى بنار
ورحتي له
وذكرتي صورة الخاين.. بعطر و ورد
ذكرتي خنجره الحارق.. كأنه برد
قدر والله.. يثبت لي.. ويثبت لك
نهاية خضوع المجد
.
.
أبسألها عيونك.. ليه شافتني..؟؟
أبسألها كفوفك.. ليه قادتني..؟؟
أبسألها شفاتك.. ليه باستني..؟؟
أبسألها يدينك.. ليه ضمتني..؟؟
أبسأل كل قطعه فيك..
ليه خانتني..؟؟؟؟؟؟
أبسأل كل ذكرى ليك..
أبسأل ذاك الشارع.. وأبكي له
أبسأل نفس ذاك البحر.. وأشكي له
أبسأل كل ذكرانا..
وكل خطوة من خطانا
أبسألها
ليه خنتيني...؟؟؟؟؟
.
.
تركتيني..
كأني كافر وملعون
تركتيني
كأني فأرضك الطاعون
تركتيني
وما فكرتي في لحظه..
من غيرك..
وش راح أكون..؟؟
بعدك
وبعد انتي ما نسيتيني
بينساني كل هذا الكون
.
بينساني كل هذا الكون
.
.
ماهمك تخليني
شطبتيني.. كأني غلطه في دفتر
حسبتيني.. ما اتأثر
وشفتيني.. وانا اتأثر
ولكنك.. ولاهمك
ولكني..خلاص الحين
تأكدلي
اني في كتابك شئ... لايذكر
كأني غلطه في دفتر
.
.
تغيرتي كثير انتي
بدلتي كل شئ.. حتى
احساسك
وغيرتي كل شئ ..حتى
كلماتك
تفننتي فتغييرك
أبدعتي.. فتبديلك
صرتي انتي مو انتي
حتى شكلك اتغير
حتى دمك اتغير
حتى عطرك اتغير
حتى الكحل.. اللي ماتطيقينه.. تحطينه
غيرتي كل شئ لجله
حتى انا .. غيرتيني
.
.
مشيتي له
لبستي ثوبك الأبيض
وخجل واضح على خدك
وبراءة طفل في عينك
.
مشيتي له
وتذكرتك.. من عامين
نفسه ثوبك الأبيض
ونفس خدودك الخجلا
وبراءة طفل في عينك
نفس الشئ تعيدينه
صراحه
بكل تفاصيله
فنانة
تعرفي كيف تخدعينه
وتنهينه......وترمينه
بصراحه
نفس هذا الشئ
بتفاصيله.. حصل عندي
.
وجا هاليوم.. أقولك فيه
خلاص انتي..وبإيدك.... قتلتيني
خلاص انتي وبإيدك.. دفنتيني
ترى
انتي اللي من عامين.. بنيتيني
وجيتي اليوم .. هدمتيني
ترى
انتي اللي من عامين.. بديتيني
وجيتي اليوم..
.
.
نهيتيني
.

شكرا