هذه قصيدة تجرح القلب بل تجرح النفس وهي قصيدة أم لأبنها ولم يحضرني أسم الشاعره 0
لا أطيل عليكم تفضلوا بقراءتها0

يالله ياللي عــالم مانخفــــي 000ياحافــــظ بذر النوابت بقاعه
ياعالم حفظي لعرضي وعفي000حميت نفسي عن دروب الدناعه
إن شفت من رجله وعقله يخفي000نصحتها والسر عندي وداعه
ليا صار عرض البيض ماهو مضفي000من بان فيها العيب يرخص مباعه
فيالله لاتقطع مرادي وشفي000إصخر جنيني بالهدى والمطاعه
حملت كره وناظري مايغفي000أسهر إلى شفته تذارف دماعه
شلته على متني ونومه بصفي000وأعطيه من مشت ضميري رضاعه
حرمت نفسي حين كبدي ترفي000أرجيه رجوى من زرع له زراعه
حتى بلغ رشده وأنا عنه أهفي000وساعة زواجه شفت منه القطاعه
إن قلت له شي سفهني مقفي000ولحرمته يمشي بسمعٍ وطاعه
والدمع حرّق ناظري مايكفي000غديت من عقب الرزانه رعاعه
وإن لان صار لنار كبدي مطفي000عساه مني بحل في كل ساعه

الله أكبر أنظر ماعانت منه الأم من أبنها وتمعن بالبيت الأخير بعد كل مافعل بها تعفو عنه 0
الله يجزي والدينا ووالديكم بالجنة 0
آمـــــــــــــــــــــــــين 0