الى فتون بعطر الحرف بأ كتب
قرأتم وحنا اللى ابتلينا
بأ كتب لعيون اللى سرقنا
بلمعة عين من خطوه مشينا
مشيناها ولا ندرى مقّدر
بأن الشوق مكتوب علينا
عطشنا من هواكم ثم عطشنا
مع أن النهر موجود لدينا
ومع ان الغيم أمطاره غزيره
يسيل السيل وغيومه تجينا
عطشنا ليه يا خفاق تخفق
ومسجونك مكّبل باليدينا
عطشنا وليه دوم العين ترسم
صورتك من بد العالمينا
عطشنا لا لجمال فيك باهر
يجينا الجمال وما درينا
عطشنا لا لسحر بعيونك
يا كثر عيون تسحر ما عطينا
ولكنك تملكت الجوارح
وأصبحت الجميل اللى هوينا
وصرت من كثر مانى فيك مغرم
أعانق طيفك الغالى علينا
أشوفك أرتعش رعشة محبك
بصم لك ثم بصم لك باليدينا
أحس معك بشىء يفوق وصفى
وحتى الوصف يعجز لو خذينا
يجف حبر القلم من كثر بوحى
وتتعبنى حروفى ما انتهينا
بعدك يا كل الكل ياكلّي
كأن الليل هو أطبق علينا
ولو شمس الضحى تبهر بنورها
أطا لعها وأقول ما علينا
لأنك شمعه تنور ظلامى
ولأنك نسمه تحرّك غصينا
ولأن أوتارى بدونك توقف
ومن تقبل تعزف أصدق حنينا
لا تسألنى شعورى ليه طاغي
أنا ما أعرف ..متى راح تفهمينا
أنا ما أذنبت اذا راحت حواسى
اليك وقالت لك املكينا
ملكتيهم خذيهم وأتركينى
أعيش عيشة الطائر سجينا