.
الســــلام عليكم ورحمــــــة الله وبركاته
ولله لكم اخواني وخواتي وحشه كبيره
ولمنتديات ساندروز شوق هذا المكان اللذي جمعني مع الكثير منكم
وها انا اعود لكم من جديد
وتمنى اختياري لهذه الخاطره ان يحوز على ذائقتكم الراقيه
واللتي قد صيغة بشكل فكاهي ناقد وادخال الصور ضمن موضوع الخاطره بشكل جميل..
ولله لكم اخواني وخواتي وحشه كبيره
ولمنتديات ساندروز شوق هذا المكان اللذي جمعني مع الكثير منكم
وها انا اعود لكم من جديد
وتمنى اختياري لهذه الخاطره ان يحوز على ذائقتكم الراقيه
واللتي قد صيغة بشكل فكاهي ناقد وادخال الصور ضمن موضوع الخاطره بشكل جميل..
مدموزيل بدريــة ... واخوها مسيو طَلـق ...!!
الله خَلَق ... والله فَرَق
ماهم مثل بَعض البنات
والله يا بدرية قلق
تلبس خَلَق ...
ودايم هواش مع امها وخواتها ...
وحتى مع اخوها " طَلَـق "
وكل السوالف معها حَش
وإسمع ومَش ... وقل يالطيف
اسبوع يقضي ماخذت بدرية دش
وحتى ملابسها تفوح من العَرق
وفي ثوبها بقعة مرق
اما الاظافر اووووف اوووف ... الله يعين اللي يشوف
واللي انكسر نصه وهي تسوي عصير
واللي تحَته كومة سواد
و روجها من " ابو ريالين " ذاك المتين
اللي اذا شمه احد " كح ... وشَرق "
مليانة خلقان ... و ورق
وجزمة هنا ... وجزمة هناك ...
وبلوزة من تحت السرير ... وعباتها تحت الحصير
ومع شينها تلبس قصير
ودايم كذا
على أُمها شَر وأذى
تصحى وتنام ...
والجير في فمها ركام
وهواشها ما ينتهي ... ياصل لـ " حي أُم الحَمام "
وياصل إلى جيرانها
فِعلاً قلق
دايم صراخ ...
واحيان تاصل لليدين مع اختها
واحيان حتى لـ أُمها ...
والله قوية حيل ...
وابوها راكبته ديوووووون
وطايح مريض
يقول صابتني العيون
من الهم ذابحهالتتن
من عقب صالات البنوك
صفى على الباب
كنه ذباب
شيّب وهو توه شباب ... مفلس ... وداَج
دفن قريشاته مابين خرفان ونعاج
وفجأة " قضى "
وبدى مثل شمعة يموع ... ويموت جوع
وسكن بمنفوحة واخذ " شقة ايجار "
المغسلة عنهم يمين و ورشة حدادة من يسار
ما فيه جار
والصالة قاسمها بشرشف ...
ما عندهم حتى جدار
وماهوب فاضي يشوف بنيّـته ... هده زمانه هد
ومن فوق مالدنيا على ابوها جمر ... بدرية زادتها خراب
وهذي حالتهم جميع ... هم ... والم
وبدرية بنته شي غير
أُم القلق
حتى مهيب أُمه وبس ... أُمه وابوه
دايم هواش وإلا كذب
واذا جلست على الجهاز
ثم افتحت ذاك المسن
كلش تغير يالطيف
تعال وشووووف
خذ يا بكش
وخذ يا كلام ...
وبدت ارانبها تناتق بالظلام
وأُمي تدلعني " هيام "
وشِلتي من كثر ما فيني حلا
صاروا يسموني " غرام "
ولو شفتني " والله ينا جرح ... وخقق "
طعست به فوق النفود ... لكن احسه مو حلو
ولادي حيل ... عطيته انا اخوي الوليد " مع ان اخوها اسمه طلق "
والـ والد اهداني شَبح اسود ... جديد
وسواقنا عبد الودود
توّه شباب ... ومرة وسيم
عن شاريخان مافيه زود
وابوي رجل اعمال
لو قلت لك اسمه عرفته على طول
مرة كبير
وانا مخطوبة من امير ... توه شباب ... ولد صغير
واختي عهود متملكة بـ واحد وزير
والله يا بدرية خبال
واللي تقول يصدقه
واللي مخربها بعد تسولف معه وتقول " هاي "
وتسوي ضحكتها كذا " ههههه " وتقول " كووووول "
واحيان تكتب " وهـ بس " واحيان " لوووووووول "
و " ولكمووو " و " يب " و " نب "
وهو لها مثل الـ " ذَنَب "
جرباء وهو كله جَرَب
لاهوبيدري وش تقول
وهي ما تدري وش تقول
ياربي وش ذيك العقول ...؟!
معقولة هذولا العَرب ...؟!
وتقول انا بنيّة " كيوت " ومرة " عليك انا اموت "
ومن جد " عسولة انا "
و " يسلموووووو "
و" برب لحظة ياغلاي " بـ اطلع من الصالة واروح لغرفتي ...
عندي جناح
وهم بـ شقة غرفتين ...
وصالة قسمها السيد الوالد بشرشف قطعتين
وكل ماخذت تقول " تيت " وبعدين جيت
واذا رجعت تقول " باك "
وخذ هالكلام
وهي شهباء
من شافها قال تهباء
تكذب كثير ... ومزاعلة حتى أُمها ...
واخلاقها مرة دمار
وفيها غباء
واللي يحادثها بعد كنه حمار
وان قال وينك امس ...؟!
جَرَت له خراط
وقصات شعر
واحيان اسوي لي " شوبِنق "
وموضة ملابس ... مع عطور
عن جد تعبانة كثير
لكن حياتي جت كذا
الله كتبنا اغنياء ... واهل مقام ...
يا شينها لاجابتك بدرية من فوق لـ تحت
تسحبك سَحب بـ خشتك
وآخرها تلقاها " خمام "
هذا غرام اهل المسِن ... ملعون ابو جَدّه غَرام
ونتهينا ...........ههههههه
مدموزيل بدريــة ... واخوها مسيو طَلـق ...!!
لـلمبدع الشاعر اخوي عبدالكريم المهنا
والتصميمـ للأخت الغاليه غلا العشاق
للجميع مودتي وتقديري
ابوعبدالمحسنــــ
تعليق