انا العربى انا الفارس انا حطين
انا القادسية انا كل الانتصارات
انا العربى عام 2000 انا المسكين
كانوا زمان يحبونى ومن الاحترام يخضعوا لى
2000/2001 كلهم ضربونى
محدش يقولى ايه حصل ويحكى لى
محدش يعرف ايه جرى قولولى
مين ده ماله زعلان ومكشر
رافع ايده للسما وفى وسط الفراغ متحشر
مسكين ده عربى حزين
ومين ده كمان فرحان مش زعلان
ده عربى اه ناسى وسرحان مش دريان
معزور مديون ومحدش يعرف حاله
وايه ده كمان قاعد ولا على باله
برضه عربى غلبان وهو كمان مش دريان
زحمة كتير وناس جايين
كلهم عرب فرحانين على زعلانين
داخلين سيما ومسرح مش عارفين
فيلم شغال فى الدنيا بس هما مش شايفين
اكشن ومعارك فى فلسطين
وفيلم اتعمل على طالبان
ابطاله المساكين الافغان
وحركة ومناظر وخدع
ايه تانى عاوز يا جدع
نسيت انا مين وانت مين
انا العربى بتاع زمان
انا العربى وانتم ناسيين
رفعتكم الدنيا شويه
ونزلتنى شويتين مش اشكال
بكره ربى يبد ل الحا ل
سبحانه يختبرنا واحنا ننجح فى الاختبار
وبرحمته احنا فى جنة وهما فى نا ر
نحاول نفتكر ماضينا يمكن منه الانتصا ر
قالوا فى صلاح الدين
يارب ياعالم بالحال
صلاح عنتر مش اشكال المهم يكون عربى ومغوار
يرفع رايتنا ويرجع كرامتنا المهم الانتصار
وكفاية اهانة وهدر لكرامة العربى الانسان
احنا العرب اللى كنا زمان فرسان
يارب نرجع تانى اسياد الازمان
ونعيش ايام جميلة ونزور القدس والبيت الحرام
ونبقى ساعتها العرب بتوع زمان
محدش يقولى امتى نرجع ونصحى من الاحلام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعجبى
ــــــــــــــــــــــــــــــــــــــــــــــــــــــــ
الحمد لله على العلم والقلم كى نعبر حتى لانموت من الصمت




[FONT=DecoType Naskh][SIZE=5][B][I][SIZE=4][FONT=arial][COLOR=darkblue]