هذه أول مشاركه لي في هذا المنتدى الرائع الذي يضم نخبه من الشعراء الرائعين وأتمنى أنها تحوز ولو على جزء من رضاكم .


الجـروح اللي تـداما كل مامـر الـخيال
---------------------- دايمً خـضـرا بـجوفـي مالها نيه تـطـيـب

والدموع اللي تهاما وتالي أوقاتي قلال
-------------------- كـنـها بـخـدة يـتـيـم وجـابـها ضيم القريب

والهموم اللي بجوفي مثل شيً من محال
---------------------- لاتزول ولاتـنـاقـص مالـها وقـت وتـغـيـب

والنجوم اللي تضاوا في سماها ماتنال
---------------------- كنها في البعد عني بنت عـمً للـحـبـيـب

والظروف اللي تمايل لاقسى وقتي ومال
---------------------- كل ماارجيها تحسن أدمت الجرح العطيب

والحظوظ اللي تعثر مامشت يوم بعدال
------------------------ ساقها أردى الوقوت ويممه دربً غريب

والعذول اللي تكلم كل مايطريه قال
------------------------ سالي في طول عمره ماذرف دمعً سكيب

والغرام اللي سكني من عنودً للشمال
---------------------- ماهـقـيت بيوم يمكن يمه الـهـقـوه تخيب

والحزن أقبل عجول و صال في قلبي وجال
---------------------- كنه موصىً عليه من بـعـيـد ومن قريب

والليالي السود عندي كنها غير الليال
---------------------- مظلمه زود بعيوني ولونها عندي كئيب

والرموش اللي طعنتني شوف عيني الدم سال
---------------------- ناظره بس عيني وعاشـقً لاعـه حـبـيب

والكلام اللي أقوله ماهو مثل اللي يقال
--------------------- هو شعورً وسط قلبي وترجمه دمعً سكيب

والحبيب اللي أعشقه كنه حلوم وخيال
---------------------- مااصدق لو أشوفه وان رحل جوفي لهيب

والشعر اللي كتبته في ستر سودً طوال
------------------------ لايرد اللي تغيب ولايودي أو يـجـيـب

والفرح اللي توفى كن ماهو لي حلال
--------------------- ليه روحي ماتعيشه وليش مالي به نصيب

والغدر اللي طعونه ضربت سيوفً صقال
------------------------ لاتطيب ولاتشافا ودايم بجوفي تصيب

والشموخ اللي تحدر كان عالي كالجبال
------------------------ وانهدم عزه ومجده واحسبه دايم صعيب

والهنوف اللي جفاها مشعلً قلبي شعال
------------------------ دامرً حالي هواها والصبر شيً تـعـيـب

والونين اللي أونه لو حكى ينطق تعال
----------------------- جارحه قلبه وروحه وليه ماتداوي صويب

واليدين اللي حظنتني حالها ماهوب حال
------------------------- مختلف عندي دفاها بارده بـردً رهـيـب

والعيون اللي حيارى حايره من هالسؤال
---------------------- ليش كل من حبته لابـد لـه يـوم و يـغـيـب

والبكى اللي بلاني محرقً خدي وسال
--------------------- كل ماطروا حبيبي هل من عـيـنـي صـبـيـب

والحنان اللي انحرمته حط غيري لي بدال
--------------------- كنت احسبني ظمنته واثر لـه سـطـوات ذيب

والسنين اللي مضت لي ضايعه بخدعة جمال
----------------------- والقهر راحت وقفت في غرامً كـان عيــب

والشموس اللي كوتني ولوجلسنا في ظلال
---------------------- شي من جبهة حبيبي وللخدود أكبر نصيــب

والبروق اللي بضياها درهموا نياق وجمال
------------------------ يحسبون أنه بشاره والـمـطـر وقـتـه قـريب

مادروا أن الضيا ضحكة غنج ويا دلال
---------------------- ساقها بين الشفايف واضوت الكون الرحيب

والطعون اللي جديده مالها بقلبي مجال
---------------------- صـبـرهـا شـويً عليه يمكن اللـي بي يطيب

والوعود اللي قطعها كانت أشبه بالمحال
-------------------------- بس لو أدري علامه واعـد بـشـيً يـخيب

والختام اللي بقوله لا تحسبونه هبال
---------------------- أدري أنـه هـو غـدرني بـس في قلبي حبيب

وسلامتكم .