مشيت ولما طال بيا الطريق وتعبت
قلت اخ
وسهرت ليلى ولما راح النوم من عيوني
قلت يمه
ولما طالت شدتي وحز فيا الألم
ناديت وقلت يابا
تعبان حزين متألم
مجروح وهنان با تعلم
من دنيا الزيف وكلام بيألم
الأخ اصبح ضنى وبيجرح في القلوب
والأخت هي الهنا وكله مكتوب
أخوك يوجعك وينسى انه منك
وصاحبك لو يخدعك اصله غريب عنك
الأخ لو إسى اهو برضه منك
حلو وحش من لحمك ودمك
اوعى في يوم يا بن آدم يضحك عليك شيطان
وتفكر ان أخوك يكرهك أو يكون عليك عدوان
الدنيا صورته له انه لوحده هو اللي إنسان
شيطان خايب يضحك عليك ويخليك ليل نهار تاعبان
قالها أبويا زمان ابنى ابن ابنى مش من بنتي ابن فلان
صلة الرحم موجودة بس الدم حنان
ويا ويله اللي له عدو خسيس وجبان
يفكر نفسه زكى وهو اغبى الغبيان
ولما يقع على بوزه يقول فين الخلان
ساعتها الدنيا تقوله معلش اصلك خوان
لاخل هايسأل ولا جار فى اللي مالوهش امان
دنيا العجب فيها الانسان حيران
اسود ابيض كل الالوان سيان
وخد بالك يا بن ادم من الشيطان
عدوك وعدو ابوك من اول الازمان
واوعى تنسى ربك /ربك هو الحنان
وارحم يا بن ادم اخوك الانسان
من لايرحم لايُرحم والكبر للرحمان
دى هى لحظة بيروح فيها الانسان
والدنيا لما تضحك ممكن تقلب بركان
واوعى يخدعك ضحك العيون او زلة لسان
سامح وانسى وبلاش احقاد
وخليها حب ومودة وحبل وداد
تنام مرتاح وتلاقى الفلاح
ربك كريم يسامح ويغفر وهو الفتاح
وشوف فين طريق جنتك ودور على المفتاح
وعجبى