امس العصر لهل الموده تعنيت ... مشتاق اعرف الحب شنهو ختامه

وقفت في باب الموده و طقيت ... وقلت افتحوا عاشق بيشكي غرامه

قالوا تفضل مرحبا بك وحييت ... حنا نعرف المشتقى من كلامه

قلت افزعوا لي يوم انا صوبكم جيت ... شوفوا دموع فوق خدي علامه

قالوا شفيك شقصتك ليش ونيت ... قلت الهوى حط بضميري وسامه

قالوا خلصت من الهوى قلت مليت ... مليت هجر صويحبي مع خصامه

قالوا علامك ليش منه توذيت ... علمنا عن خلك وقول وشعلامك

قلت ابتعد عني وانا له تمنيت ... واصبح بخيل الزين حتى بسلامه

قالوا ترجه قلت والله ترجيت ... لكن مرامي ما يطابق مرامه

قالوا تخاف انك عليها تجنيت ... اما جرحته او جرحت الكرامه

قلت ابد والله ما بعمري تعديت ... مخلص لخلي صاين له مقامه

قالوا غرير في هوى البيض دشيت ... مسكين قلبك يا حياة الندامه

قلت الله اقوى بطيحتي ما تساويت ... مدام عهد الحب قل احترامه

حظي رماني لين منه تدهويت ... الله يجازي الحظ حظ الندامه

ياليتني لهل الهوى ما تعنيت ... ولا عرفت الشوق شنهو ختامه

و ســـــــــــــــــــلامـــــــــــــــــــتـــــــــــــــــــــكــــــــــــــــــــــــــم