عندما تراودنا الأحلام
ونتعايش معها وكأنها حقيقة ماثلة أمام أعيننا.
حينها ..نشعر بالسعاده للحظات فقط ولكن سرعان ماتتلاشى حينما
نصحو من غفوتنا.........

(أنــــا وحلمـــــي)

ياترى كنت بتذكر هالوقت...
والا بعد تنساه ..؟
اشياء كثيره تاهت عن دروبنا.
ضاعت في خطاوينا ..
في هاللحظه ...
او هاليوم مريت من عند بابي ..
تحت شباكي.. تنتظر لفتة ..
او أمل يقول لك أني هنا .
اراقب النظرات ....
وافرح.. لا ذكرت با كراشوفك ..
واقول متى يجي باكر ....؟
ومتى اشوف اللي تمنيته...؟
....كنت اتخيلك..!
ياترى كيف يكون ..!
هو مثل ما ارسل لي والا شكله غير ؟
هو كبير والا صغير؟
والا الصوره تعطيني شكل غير ؟
انتظرت هاليوم بفارغ صبر ...
كنت اردد ابي شوفك في كل اسبوع وشهر ..
وانت تقول بعدين لا تحسنت الظروف ...
وتحسنت هالظروف .!
وجيتني ما بين لهفه وخوف ..
انت هاللحين بتصير قدامي.
انتظر طلعتك فوق..
ياترى وش بسوي ..
اقدر اقف من فرحتي و الشوق!؟
يا هو حلو هاليوم كل ما فيه زين ..
نظراتك وهمساتك حتى سكوتك والأنين...
كنت ارتجف وانا معك...!
مدري هو خوف والا حيا...!
مدري وش كان ودي اسوي . ..
اصرخ والا أرقص والا أغني..! .
كل اللي اعرفه اني فرحانه حيل حيل..
وان هالدنيا العريضه صارت حلم جميل ..
كنت اخاف اصحى واعرف ان الحلم ماهو طويل..
كم تمنيتك معي ... مثل هاك اليوم..
نعيد اجمل لقاء ونبدد هالهموم...
كم تمنيتك تمسح دمعة الشوق فيني ..
وتطفي لهيب القلب بلمسة يديني...
ترى هذا هو نفس اليوم اللي جيت ...
نفس اليوم اللي قلت احبك حكيت او ما حكيت.
نظراتك افضحتك.. وشوقك حبيبي افضحك.
حتى اطرافك .. وكلك أفضحك.
ما تمكن منك الا أنا ..
كنت الاحظ كل شي فيك ..
مدري الحيا اللي اول وين راح..!
قدرت تكسر الحاجز بيننا..
وتقتل الخوف في قلوبنا..
بعد هالحب الكبير ..
يصبح حبي مثل الغير ..!
ويصبح وجودي في حياتك ماله تأثير ...!
غريبه هالحب يتبدل !.. غريبه هالقلب يتحول ..!
يصبح قاسي مثل الحجر ...!
وين اللي بغيت ؟.. وين اللي تمنييت؟
هو كلام وحكي ؟...مرت سنه وسنتين..
ضاع الكلام ... ومات الأمل ...
حتى العهود الصادقه ...
غطاها الظلام ...وشتتها الملل...
مسكين هالحب الغريب .!!
فجأه ظهر.. وفجأه أختفى ...بلا سبب..!!
.تعرف حبيبي :
ان قلبي ما فيه مثله...
محدٍ تحمل هالجفى كثره....
ومحدٍ تذوق طعم الألم مره...
ما اقدر اقول او اعيد....
خل الليالي هي تعيد ....
أجمل ذكرى وحب أكيد....
وان بعدت والا صديت وجفيت.....
لا زم بتذكر هاليوم ....
وهالوقت في نص الشهر من ذاك العام البعيد...
يمكن بتمر سنه وثنتين ويمكن ثلاث او عشر ....
صدقني ما راح تنسى ابد ..
إنه انا وانت في ذاك الشهر.
كنا سوى ...
مع حبنا.. مع عهدنا... مع خوفنا...
ننتظر لحظة صفاء .. ونسكت كثير .
واللي يتكلم هو حبنا وشوقنا ...
واجمل ذكرى لنا...