انتي مطلقه



لو حكوا واستبدلوا ما ورا الهرج طايل...........راس مال السوالف قولة فلان قال
لا يهمك وقدك للهبوب يتمايل ....................ما على الله بعيد ان كان قالوا محال
اللقب ما يفشل والاصايل اصايل.................انتي مطلقه؟؟لايزعجك هالسؤال
الطلاق ابغضه ربي بكل الوسايل................بس يبقى ويبقى رغم هذا حلال
لاتقولين حظك بعده اغبر ومايل................حظك احلى الحظوظ وعزتك راس مال
افخري بالقناعه والعوض فالبدايل................جعل فالك يجي له فالمسرات فال
اصلا انتي عشانك بنت اصل وحمايل............ما رضيتي يجي للعيب اي احتمال
ما سكتي وسويتي دروب وعمايل................وانتي بذمة المسكين ولد الحلال
ماتوقف على دمعه وهمسه ورسايل.............الحياه اكبر بعين الهنا والجمال
للاسف ما اتعضنا من قديم السلايل..............وعذرنا الواهي الكذاب (باقي مجال)
الزواج بعربنا صار مثل الجمايل...............انتجمل بعمر عيالنا هل ذا عدال؟
ندعي بالتكاتف والحقايق هوايل .............ونكتب المهر من زود التجني ريال
والنتيجه خراب بيوت والعمر زايل............ومن يعوض زوال العمر عقب الزوال
وانتي الحين سوقي للطريق الرحايل..........والاكيد القريب السعد له كرنفال
ولايهمك وربي ما ورا الهرج طايل............كلها كلمتين وقالوا فلان قال


تنويه....

وددت بهذه القصيدة الخروج عن اطار الحب والغزل ,وطرح موضوع يمس كل شخص منا سواء رجل او امراه.
طبعا انا اؤيد الشاعر في بعض الابيات والاخرى لا,طبعا واتمنىوهذا الاهم ان تحوز على رضاكم