[c]
[/c]



[poet font="Simplified Arabic,4,black,normal,normal" bkcolor="black" bkimage="http://www.sandroses.com/abbs//backgrounds/2.gif" border="groove,9,seagreen" type=0 line=200% align=center use=ex char="" num="1,black"]
ياماحلا المسرى مع شقّة النور=من قبل خيط الشمس يبدي شعاعه
مع رفقةٍ مافيهم اللي به قصور=ربعٍ تربوا عالكرم والشجاعه
كل واحدٍ فيهم مجرّب ومخبور=ماشاور الحرمه بخوة رباعه
لا جا لزومٍ مايصفون بالدّور=كل بذل مجهود قدر استطاعه
أميرهم يهتم بالرّاي والشور=دايم يدوّر وين راي الجماعه
لا صرت عنده كنك بعش عصفور=ماباقي الا يوكّلك في ذراعه
يحتاج اقول اسمه واسميه منصور=كلٍ يعرفه من طيور البتاعه
شيل الشوازن والفشق معهم صقور=وحمام لا صاروا طيورك جواعهم
وترك جيبٍ خلفه العفش مجرور=يسوقه اللي خاف ربه وطاعه
وجمسٍ وراه محمّل الماء وقدور=هو منوة اللي مات قلبه وباعه
عفشك مكمّل فيه زلٍ وماطور=وبيتٍ من (القاضي) جديدٍ شراعه
وعدة المطبخ بين قزٍ وتنّور=وحوايج واغراض فيها نفاعه
ورز(المهيدب) مع سكاكين وقدور=واحرص على الطبّاخ كمّل متاعه
ونجرٍ ومحماسٍ ودلّه ودافور=وبنٍ وتمرٍ يغري اللي شباعه
تنزل بروضٍ توّه اليوم ممطور=والغيم عقب الشمس تم انقشاعه
البر حولك كله ورود وزهور=وقت الربيع العشب زاد ارتفاعه
حتى الرمل تشتم له ريحة عطور=والقاع خضرا كن فيها زراعه
معك خروفٍ مايبي ضرب صاطور=اذا ذبحته علّقه من كراعه
احمس بصل ويّا المعاليق عالفور=من طعمه الجوعان ياكل صباعه
جو النشاما والقصايد لها دور=لا سولف (الشرهان) يطرب سماعه
من عقب هذا ما تبي طب دكتور=كانك مريضٍ صار عندك مناعه
حنّا بنعمه بس تبي حمد وشكور=وحفظ الصلاة الخمس ويّا الجماعه
ما تغتني لو تملك المال وقصور=لا صرت ما تملك كنوز القناعه

[/poet]