[poet font="Simplified Arabic,5,indigo,normal,normal" bkcolor="tomato" bkimage="" border="none,4,gray" type=0 line=200% align=center use=sp char="" num="0,silver"]
ياغنيه بالجمال ويافقيره=بالوصال اللي بخلتي به دقيقه

أفهميني في عبارات قصيره=ياغيوره ياعنيده يارقيقه

ياحكيمه ياغشيمه ياغريره=يالطيفه ياعفيفه ياعريقه

يارشيقه ياصغيره ياكبيره=ياكبيره ياصغيره يارشيقه

وش مصير اللي دخلتي في مصيره=عاشق عندك على قلبه وثيقه

كل ماطال إنتظاره قال:خيره=وين خيره ‍‍شال حملٍ مايطيقه

الخواطر في صدى صوته أسيره=والمشاعر من حريقه في حريقه

والمثل قال:المحب أعمى بصيره=مستحيل إنه يجنب عن طريقه

والخطر منك الخطر وأنتي خطيره=الزمن حذر صديقٍ من صديقه

والرجاء واليأس يسكن كل ديره=والحقيقه كل شيءٍ له حقيقه

سامح الله كل الأيام الأخيره=سامح الله كل الأحداث العميقه

تجري الأحداث والهوج المثيره=والسفينه في بحر حبك غريقه



وصح لسان قائلها الشاعر/ حبيب العازمي



وإلى اللقاء من محبكم حفيد الشيخ


والقادم أحلى بعون الله..


[/poet]