اول نديم للهناء والسعاده
واليوم نادمت الشقا والعنا زاد
من عقب فرقا اللي ملكني وداده
اصبحت انا في بلاد والزين في بلاد
صار السهر والنوح للعين عاده
ونصحت عيني عن سهرها ولا فاد
تبكي ونوم الليل عافت رقاده
وفي الليل نومي صار وقفات وقعاد
والقلب به جرح قديم وزاده
عشرين جرح صابت القلب وازداد
سهم الهوى لامن رمى القلب صاده
وراعي الهوى مشاكله مالهااعداد
ماشفت انا احد حب والحب فاده
لاشك راعي الحب له غصب ينقاد
من فارق الغالي وفارق مراده
صارت حياته له غرابيل وانكاد
يمشي سليم وعلته في فؤاده
ويخفي الالم والسر عن كل حساد
راعي الهوى يمشي بغقل وركاده
يخشى الملام وهرج عاذل ونقاد


الدمعه الحزينه...