هـي الأشـواق لـك وحـدك .. ولا أدري ليـه مجنونـه
..................................تجي قبـل الزعل .. بعـد الزعـل لا باس يا ناسي

مضى شهـر .. ومضت شهريـن .. بالحرمان مقرونـة
.................................بديت أغضب نسيت أغضب وفكري بك ملا رأسي

وقلـت أنسـى .. عساي أنسى .. عذاب القلـب وطعونه
.................................حلفـت أنسـى .. لقيت أني أفكـر فيك وأنـا ناسي

دريت انـك هـوى عمـري .. لو إن الروح محزونـة
.................................دريـت انـك حنينـي والعذاب .. وكـل هوجاسي

وصـرت أكتـب لجل حبـك .. رسالـة شوق مشجونـة
.................................رسـالة والعتـب فيـها .. حبيبـي يا بعـد ناسـي

كفـى تقسـى علـى قلب عـزف لك صادق الحونـه
.................................يشوفـك في جميـع الناس .. بالشمعات في كاسـي

أحبـك من متـى ؟ ما دري .. قبـل ما لحب يطرونـه
.................................قبـل ما تنخلـق حواء .. رسمتـك قبلـه احساسي

وأحبـك لا متـى ؟ ما أدري .. اليـن الكـون ينهونـه
.................................يجـوز أكثر .. هواك أكثر .. مداك أكبر من قياسي

هـو الشـي الأكيـد اني معـي لـك روح مفتـونة
.................................تبيـك أنـت .. وتبي حبـك .. وأبيك لآخر أنفاسي

الـــــــــــــــــــــشافــــــــــــعى