البارحة يوم امرحوا الخلق شقيت
جيبي ودمع العين مني يهلي
على الذي في سوق(….) وافيت
قلت السلام وهقوتي مافطن لي
دب وانا في موقفي ماتعديت
دبر سليم وطحت انا في محلي
تسابقت عبرات قلبي وونيت
ونه لو اني عديتها طار عقلي
تراكضوا جيراننا وامتلى البيت
قالوا علامك قلت جيبوا الكفن لي
مادام غض العود قفى وانا اقفيت
واللي يبي قلب العنا ماحصلي
وش فايدة عمري الى من تعافيت
الموت اريح لي من فراق خلي
يا موت وش علمك على القبر شحيت
ماني انا الاول كم خذ الحب قبلي
الله يصيبك لابغيناك ماجيت
ياموت عجل خل عنك التغلي
صارت حياتي هم واليوم مليت
مابغي حياتي عقب ماراح خلي
اول الى من جيت له يفرش البيت
واليوم بانت رغبته يبي قتلي
لامن نشدته بيننا وش سويت
يقول انت ابخص ولا تعتذر لي



(ع) … الدمعه الحزينه…