[poet font="Simplified Arabic,4,black,normal,normal" bkcolor="white" bkimage="http://www.sandroses.com/abbs//backgrounds/10.gif" border="groove,9,gray" type=3 line=350% align=center use=ex char="" num="0,orangered"]

هذي القصيدة لشاعر معروف من أهل حائل وإسمـه
: محمـــد الأشقر الوكاد قالوا لميده ورا ما سمعنا لك
قصيدة غزلية قال لميدهم: لو أتغزّل ما تفهمون قصيدتي
وقالوا : عطنا اللي عندك وقال لهم القصيدة هذي
وكان بمجلسه شايب يستمعون له يوم يقول القصيدة ويوم
إنتهى من القصيدة سألوا الشايب عن القصيدة ومعانيه
وقال لهم : والله علمي بالقصيدة يوم يقول : دار الغرام
ولفّ بالقلب لافوف ، هيا بنا نستمتع بالقصديده ولن اخبر
احدا ً ما عن معانيها كي لا افضح احد الأسرار حايل
اتمنى ان تنال على حسن رضاء الجميع إن شاء الله تعالى

[/poet]

[poet font="Traditional Arabic,4,black,bold ,normal" bkcolor="green" bkimage="http://www.sandroses.com/abbs//backgrounds/8.gif" border="inset,4,skyblue" type=1 line=200% align=center use=sp char="" num="0,black"]
دار الـغـرام ولـفّ بالـقـلـب لافــوف =لاع الولع قلبي وروحي صــرمها
أنا ولـيـعٍ مـن عنـا العـين مشـغـوف =سيف الهوى بالحال يلحي لحمـهـا
الـقلـب رفـرف وإنغـرف عـز بالصدوف =والروح ريح الفوح يلفح فحمــهـا
مـرهـوق زاهـق غارق حـرق منحـوف =وله ذهـيـلٍ هايمن في غرمـــهـا
يـلـوج مـوج الـنجل والسـجل وشنوف =وهروج بنج الغـنج روحي حـكـمهـا
جـسـر الـغـرام برا مـعـي زل بزلوف =نزغ الزغـازغ زلزلـه عن قـدمهـــا
مـاني بـكـف الـعـدل عـني بمعروف =لا تبـعـثه بالله يـقـبـس لغــمــها
الله خـلـق بالنـاس نـاس بـها نـوف =والشمس ما تخفى العرب مع عجمـها
كـأس الهـوى بالباب الأشـباب مـذروف =من ذاق رشف شفـاه يفرق طعـمها
لـولا الهوى ما رشرش الريم بخـشـوف =والناس نسناس الـهـوى هو نجـمها
خشف عفر فارع ظفر عـشر مـكـشوف =تل القلوب وسـلــها وإستــلـمـها
رعـبوب راعـب كاعـب طرب غطروف =عـمـهوج داعـج لاعج عاج فمـــها
مـغـدور بـهـرٍ به الـبـدر مـعروف =مسـلـول عـنـق عـنـدل راق دمهـا
تمشي تهز الخصر تنعـاج بعـطــوف =مـال الهـوى بـه مال عوده قصمــهـا
بعــيـونـهـا رآيات وآيات وحروف =تـرمي هـل الـغـايات ســمٍ سـهـمها
كـن البرد فــاها ورا الورد بصفوف =وخــدود بـه مــوجــات جمر زحـمها
مـا دار دور نـهـدها نز بـوقـوف =نـشـوٍ نشا مانـيـش مـشـم،ش حرمهـا
أكـثـل ثلـيل له الـمثاثـيل وزلـوف =يلـعـب عـلى هاظـم ضمـير هظـمـها
تلـقى فـتى تـرس الفـناتـير وتروف =تـتـل ردفـه تـنـثني مـن توتمـــها
طـفـر برى طـرز الطرى صدر وردوف =طـرخـم طـخا طـخم الطراخم طخمهـا
شـربت شـذا شـذرا الهوى كمع وكفوف =مـن طـاح بـتفـاحـه حـرق وحمـها
تـظـلـم وجـيه البيض لا جاه بكسوف =لا طـبّ حـفـلات المها هو صنـمــها
قـلـت آه واويلاه ولـهـان ملـهـوف =مجـروح روحٍ بروحـهـا عــدمــهـا
يا سـلـب قـلـب المبتلي فيك مكلوف =أرفـق تـرى روحي تـقـطـع وذمـهــا
أمنــع طـريح طـاح بيديك مكتـوف =سـلم الـعـرب مـن سـلامها في لزمهـا
رد الـنـظـر يا زين التعـازيل بهنوف =قـلـت سـنا نـار الهـوى من كـهـمها
حـنا نجـيـبات وعـريبات وعـفوف =جـواهـر السـلـطـان دونـه خـدمـهـا
حـنا كما خـزنٍ بالأرصاد مـسـقوف =بالك يـغـرّك سـمـهـا في دسـمــهـا
قـال يا ريم بـدلت الـرجاء بالخـوف =العـفـو عـفـاك الـولي عـن ولـمـهـا
يا ريم قـلبي بالـندم دوم وحـسـوف =والـعـبـد زل وزلـتـه مــا عـلـمـها
قـالت كـفـى لا تكـلف النفس بعنوف =أيضاً ولا عـاب الـمـنـابر شـهـمــها
يا أديب قلبي طـافـحٍ فـوق بشـنوف =مــا لاق عـيـنـي من يوالم ولمــهـا
ما شفت من يملي النظر كل ما شـوف =والنفـس يشهـد عـزهـا في قرمــهــا
يا أديب شفـت وعفـت أشكال وصنوف =شـغـلـن وصغـلـن وأهدني عن قدمهـا
بأهل الحسب لي والنسب خل موصـوف =مـجـدٍ وجـد شـل مـشـكـل شهـمـها
أب وجـد وخـال طـاف الـمـلا طوف =ليت صـنـاديـد الـقـبايـل خـزمـهـا
سـعـود نـسل محمد الحيد مـعـروف =في رأس مـقـرن يعـتـزي ما كـتمــها
ودار الغـرام وصفـق القـلب بكفـوف =والـعـيـن توّه تهـتـني في مـنـمــها
وصلوا عدد على الحرف والطرز وطروف =عـلى الـنـبي الـمـصطفى به ختـمـها


مع اجمل تحياتي الغالية اخوكم الحايلي



[/poet]