ياكامل الزين سيد البيض يالغالي
روحي وقلبي وعيني فيك مفتونه
من كاس حبك شربت المر والحالي
وعرفت انا الحب مثل اللي يعرفونه
شفت السعاده وشفت المشكله تالي
مشاكل الحب للعشاق مضمونه
نار الهوى تحرق العشاق بالصالي
ولهيبها بالضمائر مايطفونه
ليتك تجي ياحبيبي ويابعد حالي
وتشوف حالي عقب فرقاك وشلونه
حبيتك اول وبحبك ولازالي
محبتك ياحبيب الروح مصيونه
ياعاذلي عن حبيبي مالك ومالي
راعي الهوى مايطيع اللي يعذلونه
ماطيع في نور عيني هرج عذالي
مهما حكيتو ورغم اللي تقولونه
ياهل الحسد والنمايم شرحكم طالي
وش فايدتكم من العاشق تعذلونه
خلوا اهل الحب ياهل القيل والقالي
خلو المشقى ينوح وتسهر عيونه


الدمعه الحزينه...