مستعجل ليه يا بن ادم على المرواح
لابدالعمر يخلص ولابد من المرواح
سيبك من اللى فات ودور على اللى راح
لابكى هاينفع ولا دموع ترجع اللى راح
قوم واقم صلاتك وشوف منها ايه راح
واتجه لرب العباد قبل ساعة المرواح
جهنم ابوبها مفتوحة للى جاى واللى راح
وحاسب يابن ادم لاتروح مع اللى راح
دنيا فتانة وابليس مافيش منه رجا وصلاح
ولا مال بينفع ولا ولد والاتكال على الفتاح
وخدبالك من اهلك لاتهلك مع اللى راح
عجيب يا بن ادم معاك معاك المفتاح
تقدر تفتح باب جنتك وانت مرتاح
وتنكر على ربك نعمته وتنسى المفتاح
مفتاحك صلاتك لو تحب ترتاح
ولو كنت غاوى شقى انسى ان معاك مفتاح
ودور على صاحب شقى معاه ترتاح
وخد لك يومين فى دنيتك وانسى اللى راح
من غير ماتستعجل لابد من المرواح
وحاسب على خطوتك وشوف منك كتير ايه راح
ده ربك حليم ستار واليه كل المرواح
يغفر ويسامح وهو المنتقم وبرضه هو الفتاح
ومستعجل ليه يابن ادم على المرواح
ساعات ا لعمربتنتهى ولابد من المرواح
ويا ويلك لو لم تفكر فى صلاتك واللى منها راح
وعجبى.