قصيده جميله تغنّى بها الشاعر / خلف العتيبي


آمل أن تنال على رضاكم :


[sound]http://www.shnaan.com/realx/kalaf12.ra[/sound]


[poet font="Simplified Arabic,4,black,normal,normal" bkcolor="" bkimage="http://www.sandroses.com/abbs//backgrounds/43.gif" border="outset,9,gray" type=1 line=200% align=center use=ex char="" num="0,black"]
ياغدار مالك لانهايه ولا مبدى غرام=أبشكي على الله وأدعي عند زمزم والحطيم
عسى ينتصف لي منك ربٍ حمى بيت الحرام=من الفيل وأصحابه وأنا أقول يالله ياكريم
أنا عارفٍ مبداك قبل النهايه ياسلام=حلاوة لسانك لاتقرّب ولاتبعد حكيم
درّستك دراسة جاهلٍ مايجيد بها الكلام=ولايصفي العاقل وفي مهجته دعوى غشيم
فلكن سِق سمحات الأقدام وأرخي لها الزمام=قبل ماتصيبك دعوة الظلم في العظم الصميم
ترى الحب يالمحبوب مادام للناس العظام=ينبّيك عن درب الهوى اللي يعرفه من قديم
حلاة الهوى جمع المحبين عند الإحترام=وأنا خابرٍ لذة طيور الهوى لذة فطيم
وأنا وإن ذكرتك يابعد من خدوده ورد شام=أصدّر على الخدين دمعٍ مثل دمع اليتيم
سبب لك محبه ياملثم ويزهاك اللثام=أحبك وأحب أرضٍ تضمك ومن فرقاك أهيم
تخادع بعينٍ ماهوتها المكاحل بالمنام=وتعِرض بخدٍ كنّه البرق بالليل الظليم
وتنصف بعودٍ غضّ وأغض من عود البشام=وتخزع بخصرٍ هزّه الردف والجسم العظيم
أوصفك وصفٍ فيك وألبسك الوسام=وسام الجمال وتستحقه على حور النعيم
عليك الضمير يهزّ هزات وأخطر بالعدام=وأنا أعوذ بالمعبود من كل شيطانٍ رجيم
أعذّل على نفسٍ نعم زرعها عند الصرام=وأدخّل على فكرٍ كما الموج في البحر الطميم
عسى من نسى عهد الصداقه بعد ولف الريام=توريه لوعات الليالي ولا يلقى نديم
يعنّي عشاشيقه بكثر التوددّ والخصام=يمسّد لهم حبل الشقاوه وهو عنهم مقيم
حملنا خطاه ندّور إرضاه وأرسلنا الحمام=بسِر القلوب العاطفيه ويدفعها النسيم
[/poet]


تحياتي للجميع