[poet font="Simplified Arabic,4,blue,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
تعال هنيه أبيك يمي
ترى شوفك يسر قلبي
ويزيل همي
تنور ليلي يا عمري
وترى دروبي معاك تحلى
تصير مثل العسل وأحلى
تعال هنيه لا تسافر
ياصايم برمضان
وباقي السنه فاطر
تعال خلينا نتمشى
على اليامال والدفه
ومن خوص السعف
نسف لينا كم قفه
تعال وياي نتسلى
معاك الدرب ما أمله
لحد مانوصل العشه
وبعد الممشى نتعشى
تراني مبرزة لك بشه
تذكر ياحبيب الروح
لما جيتنا العشه
تتشرف وسط الحضار
من خابوقه الغربي
وشافك والدي المبرور
وهو رابط على راسه
من المراني كم حشه
رمى المبرور أحماله
وجانا يدور محشه
بغى يرمي علي الحضار
وهز الباب في رعشه
صرخنا وصاح وينه الكاز
يبي يحرق بك العشه
ولولا الله ستر ونحشت
كنا على الملا قصه
ولولا الله نجانا من منجله ومحشه
كان صرنا من صيد أول أمس
وكان بلحمنا نتعشى


تحياتي الفارس الماسي
[/poet]