اعزائي:اهدي هذي القصيده لكم امل ان تنال رضاوكم انا يابوي مادري.. انا المسجون او السجان.. اشي هموم في صدري .. وانا ويا التعب..سيره.. انا ضيعت من عمري .. سنين ولا بشر يدري.. انا فوق الثرى امشي.. واذا لي بيت او ديره.. تعبت امشي كفيف اقدام ومثلي يمشي العميان.. يجيني الوقت..ماادري.. متى جاني ومتى اخر مشاويره.. واشوف الناس فى دنيا.. وكله مشغلنه شان.. واشوف الوقت مايصبر نطيعه..والا نترك السيره.. انا يابوي من عمرك..اخذت من الصبر عنوان..اذا ضاعت دروب الصبر..ادور واحد غيره..وعرفت ان الفخر يسكن..بداخل مضغه الانسان..وعرفت العز مايرقاه..ذليلي ضاع تدبيره..تعملت المشي قدام..وماانني خوطتي خسران..ومااحني قامتي للريح..لو هبت اعاصيره..انا يابوي لو تطلب عيونيوالنظر قدام..اخلي رمشها فرشك وغالي الدمع تعطيره.. فدا عمرك لي ايامي.. اذا عمرك ..قصر ايام.. عطيتك من هنا يومي.. تكمل فيه تقصيره.. واخفض لك جناح الذل.. وارخي قامتي والهام.. واعطي كل مافي القلب.. افراحه...وتباسيره.. ارد الحزن ..لايمشي.. لدربك..خطوة قدام.. واشي الهم عن ممشاك.. لاتاطا..محاذيره.. واطرز سيرتك في القلب.. وعيني رمشها اقلام.. تقول انك كثير الحب.. الاياطيب هالسيره.. انا يابوي ماادري.. وفيتك او وفيت القاف.. ولكن..الصدر بواح.. وهذي من معاذيره.. مع اطيب الحب للجميع اسير الحرمان للتعارف:[email protected]