عفا الله عن خطا غدر الخناجر والضلوع ابطال@بسامح واتركك تحت الظلام الحالك لحالك@دخيلك وفر دموعك ترى هدر الدموع اذلال@وترى مافيه احد يصبر مثل صبري بغربالك@انا عيب علي انقض كلامي والرجال افعال@وذا قلت اقطع احبالك تراني بقطع حبالك@عشان اكسب هدب عينك تجرعت العذاب اشكال@وليتك تراف بحالي علشان اراف بحالك@مسوي في حياتي شي مايذكر ولا ينقال@حشى حتى العدو وهو العدو مايعمل اعمالك@تمسيني على الهم وتصبحني على الغربال@تقلطني فناجيلك وتقصر علي دلالك@تحملت التعب لجلك وانا حملي يهد جبال@رحلت من العذاب وماوقفت الا على جالك@علامك كل ماجيك متواضع جيتني تختال@معاك اليا متي بصبر وصبري معك يحلالك@مثل مااقبلت لعيونك لزوم تلد لى باقبال@ومثل ماقد حشمتك حس واحشم قلبي اشوى لك@انا محدن بجابرني اساير معك هالمنوال@ترى لاني تبيع لك ولا ني باصغر عيالك@انا جيت اعشق نبض ومشاعر مااعشقك(تمثال)@انا جيت اسكنك واحياك وابقى فيك وابقى لك@انا جيت بظما عاشق تعب يطرد سراب اللال@انا جيت استفز رضاك من فرقاك والجا لك@انا ماهمت بك عاقل انا كنت اعشقك بخبال@انا ماكنت احبك حي انا كنت اعشقك هالك@تخيل من كثر مااخاف تلقى للزعل مدخال@اخاف اخطي على طيفك وادوس برجلي ظلالك@تبعتك والعرب تتبع رعود البارق الهمال@وانا شفت المطر يتبعك في حلك وترحالك@كان الي خلق حسنك خلقني مع جسدك ظلال@واصرت اقرب جسد يمشي معك باقفاك واقبالك@ابي قلبك يحس انه فقد بمحبته رجال@ملكته من هدب عين وخسرت رضاه باهمالك@صحيح ان الفراق اقسى ولكن الوصال محال@انا صعبن علي ارضي غرورك واضعف اقبالك@بعد ماحققت عيني فبعدك للرقاد امال@اعود للسهر؟ياخوي فال الله ولا فالك@ببدل نظرتك فيني واجي لك كل يوم بحال@بكون اقرب من ثيابك عليك ولاتهيا لك@بالمك وانثرك واجمعك وارجع وانثرك باهمال@بخونك وازعلك وارضيك وازعل منك وارضى لك@ابرسم بالثرى وجهك وابدفن صورتك برمال@ابشكي للعرب فرقاك واضحك عند عذالك@ابهديك الوصال فراق واهديك الفراق وصال@بسوي مثل ماشوفك تسوي وافعل افعالك@عشان تعرف من فينا الزعول ومن وسيع البال@ابيك تذوق فنجالي وانا بذوق فنجالك@نصيحة واحتفظ فيه قصر معك الزمن او طال@ابي تسمع كلامي زين وتحطه على بالك@اذا حبك هبال اطفال لك عندي هبال اطفال@ولا وابشر بعد بهبال حب ماهو بهبالك@وذا قصدك تهين اسمي عشان تشمت العذال@ترى لاانته ولا غيرك ولاعشرة من اشكالك..؟؟؟؟؟