مشاركة بعد طول غياب ... واختيار اتمنى أن يعجبكم

[poet font="Traditional Arabic,5,red,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
حسبي على الشعر وليا زعل حسبي له
اللي رماني على الغـرّات وادماني
تنزف جروحي تحت شلفاه وابكي له
وافزع معه ضد روحي قبل ينخاني
ما مرني ليلةٍ وابدا تعاليله
إلا وصحيّت جرحي قبل قيفاني
يزورني حزن واشرب من فناجيله
واسقيه نبض الخفوق ودم شرياني
أقلق بدونه ومعه وقبل لا أومي له
تنثرني الريح واكتب له ويمحاني
نصفي ووصفي واحاسيسي ومن هي له
واللي عليه انتهى اسمي وعنواني
ضيعت باقي دروبي في مداهيله
وان جابني تالي المسحوب وداني
يلومني فيه من لا سمع ترتيله
بين الجوارح وبين أنفاس وجداني
ما مثله شعور ... لا رحمت محاصيله
كم مرّةٍ منه ضحّكني ... وبكّاني
أعشقه حتى أكرهه والعنه وادعي له
وانساه حتى أذكره واذكره وانساني
وان ضاع بين الوجوه وذاب قنديله
قد ضيعوا صاحبه ... ذربين الايماني
اللي ليا قلت ردوها بتهليله
وارووا غرور المعاني قبل شيطاني
وان لزّ باقي وشال البيد وتشيله
والخيل باخر ذراه تجيب وتعاني
كثرت من أحباب خفّاقه محابيله
ما كنّه إلا خلق للمركز الثاني
مير اتركوا لي قصيدٍ نافلٍ جيله
ما دام يدرج معي ما نيب وحداني
أرويه دمع النوى واشكيه واشكي له
يمكن ليا مت ... يرثيني وينعاني
واما انت يا من ذبحني من مضاليله
لا يابعد كل عشّاقي وخلاني
أرتاح لنك تشف الحزن وتخيله
وانك تسابق كلامٍ حار بلساني
وان جيت بالهمّ لا حيلٍ ولا حيله
فانت الظلال الظليل البارد الحاني
يا مشتكي اللي شكا زرقة هماليله
من شان جيّتك شفني همت باحزاني
وياسيل حدب العنا بشويش يا سيله
واديك طلحه مات ويابسه فاني
ماني معوّد على مثلك وتدليله
ناوخت وجه الزمان الشرس واقساني
ما يشهق انسان آه إلا وانا اجيله
واللي مشى السود قبل يطيح يلقاني
ضيعت كل الليال وباقيٍ ليله
من فوق عنقك دخيل العنق تحداني
وان كان نويت تطعن فالدجى غيله
أرجوك قلّي عشان أغفر لعدواني



[/poet]