:
:
:
رضيت الهم
مافكرت ..
مدام الهم من ايدينك
اجيه وراينى بيضه
محبه خاضعه ترجيك
وتستجديك
تبيك بزينك وشينك..

* * *
انا جيتك ..
وكل مناى
يبين طيبى بعينك
وتقدر قلب ,
نسى نفسه .. نسى الدنيا
نسى طيشه .. نسى كل شى
وظن انه لقاك..
ولقى كل شى !!

* * *
كانت اشواقى تذوب بكلمه منك
لاتطاير بالصباح الزين
الحانك وفنك ..
تجينى افكار ،،
وتروح افكار ..
تغنى بعينى الدنيا لاغنيت
وتصك الضيقه ابوابى
اذا اقفيت ..!!

* * *
صدق لهفتى لك عذبتنى
امنياتى .. تعبتنى
صدق انى ماتمنيت ارتمى
الا بين احضانك..
صدق انى تمنيت اشم انفاس
همسك .. وهمسك
وارتــــوى ..
ويرتوى شَعرى
وبخورى
وعطورى
وترتوى كل الخلايا
ودمى .. واهاتى .. وعروقى

* * *
تزدحم فينى المشاعر
وانت شـــــاعر
بكل كلمه .. وكل نبضه
ماهدت ،،
من تنطق .. الين تطبق شفاهك
على الكلمه الاخيره ..
... ونختفى ...

* * *
ورغم كل هذا الكلام
كنت باحساسك عنيد
حابسه داخل عيونك
تفتخر انه حديد
ياعنادك .. ياعنادك ..
اسفهه مره وخلنى استثيرك
بجمالى .. او دلالى
بس مااظنك نغير
اوتخاف عيون غيرك
تحتوى حسنى وتطير ..
عشرتك صعبه .. وغريبه
من تبى يحبك .. تجيبه
وتجرحه ,
ياتعلمه يشد عوده ويستقيم
ياتتركه بعدك على وعدك يهيم !!

* * *
ومع كل هذا وهذا
اكررها :
ابيك بزينك وشينك
ولو بتظل معك افراحى محبوسه
ابيك بزينك وشينك
ولو بتظل معك احزانى مغموسه
بقسى قلبك ..
قسى قلبك .. تغنيها
تغردها .. تعليها
بكل شعور .. وتبكينى
ويرجع قلبى المكسور
مايهدى .. ولا يبرد
وانا اردد :
انا شسويت
انا شسويت
انا...
(مليت)
متى ترجع .. وتضويلى
بعز هالظلمه بعض النور ؟!!!

:
:
:





اتمنى ان اكون عدت بما يستحق ان يصافح قلوبكم واعينكم،
والف شكــــر لكل من سيعطى كتابتى المتواضعه القليل
من وقته .. وأأسف على الاطاله ..







محبتكم ..
ج