إللي رفض
واللي اعترض
واللي على دمي ركض
واللي من أحزاني قبض
واللي أمد ايدي ويعض
واللي نكث عهدي ونقض
واللي على الفضائية نفض
احقاده ضدي وافترض
واللي من المجرم قبض
كل كلمة رددها حفظ
واللي بعض عنده وبعض
لكنه خايف ينتفض
طقهم مرض..طقهم مرض
ھھھ

لوني وجلدي موقفي
نعم نعم نفي نفي
ولاني حربا يا خفي
بكتفك علامة مصرفي
بكتبك طباعة أحرفي
وانت بعد ما تكتفي
واذا طلبتك تختفي
ودّك شموسي تنطفي
تتشفى فيني وتشتفي
ھھھ

حريمتك والله معاي
يللي توكّيت بعصاي
يللي تهنّيت بعطاي
لكن تنكّرت لجزاي
وتمكر بطيبي وراي
وخنجرك يقطر دماي
سوادك يلوّن سماي
وحقدك يلوّث هواي
لو بيدك تقطع الماي
عني قطعته الماي
لو بيدك تنزع غطاي
عني نزعته غطاي
لكن ربي معاي
ھھھ

أبسألك أبسألك
مدري أنا شسويت لك
قتلت واحد من هلك
رشّيت سم بمنهلك
جيتك رصاصة تقتلك
جيتك في بيتك امتلك
جيتك في عرضك اخجلك
أبسألك أبسألك
منهو اللي ضدي فصلك
وسمك نطرني بمفصلك
أبسألك أبسألك
تعبت انا أحلّلك