اناجيلك ..اهاتى معاك
اشيل منك .. واديلك .
اخاطب روحى فى خيالك
اللملم قصصى واحكيلك .
انسج شعرى من وحيك
جمال كلمات تناديلك
ادندن فى مواويلك
اخدر زرعى من طينك .
يفرهد زهرة الليلك
اجيك عطشان ومن يمك
اروى رويحتى واسقيلك
اهاجر ليك و فى دربك
اسند حيلى فى حيل
ولما ا توه وما القاك
ينزل دمعى يبكيلك
اشوف صورتى فى عيني
يمسح دمعى منديلك
اناجيلك .....
انت معاى اشجيلك
اغنى معاك ادوبيلك
اخاطب جيلى فى جيل
يسعد قلبى بى قربك
يبسم ليك يضمك لى ويشيلك
اناجيلك ..اناجيلك
اهاتى معاك اشيل منك واديلك
اشيل منك واديل


عبدالوهاب