ومرايا
انشطر وجهي عليها
وملامح جديده
وملامح الريح
عجزت
تغيرها
وانكسار المرايا
كانت
ملامحك خلفها
تجر اذيال العمر
سنين راحت
وبقى انتِ
ورماد جمره
ودخون الوقت
خلف المرايا
وصار ليل
وضجة
الوهج
في الشوارع
في المدينه
ناس
وسكه واسعه
وميدان ابيض
الوان المصابيح
غيرت
اشكال الكراسي
وصمت اثنين
وبوح
غامض
وحيرة
ووقفه نسيان
ومرايا
تحكي
كنت مسافره لك
رحت ديارك
رحت على ذاك
الرصيف
نسيت انك انت
سافرت لذاك
الرصيف الثاني
الميناء رطوبه
والمرسى
ضاق وأختنق
وسافرت
قلت انسى
وانسى معك ذاتي
قلت
اغير عنواني
اغير اسمي
وقدرت اتغير
شوفني اللحين جديده عليك
حتى ضحكتي زورتها
وحتى ايامي قدرت اطويها
اللحين انت مين وانا مين .. !!
وهذه مرايا
تحكي تقول
انت انا
وانا انت
قدرت اتغير
قدرت اجدد
فيني
عروق الدم
وقدرت اعدل
حتى تاريخ النسيان
قدرت انسى انك سافرت
خلف المرايا
شفت انت اللحين
أنت وينك
وانا وين
وانشطار مرايا
وميدان
وكراسي غيرتها
الوان المصابيح
وبقى
نور اطلالنا
والتقينا من جديد
ايامنا راحت سنين
وما تغير فينا الاحساس
اشوفك على كيفي
وتشوفيني على كيفك
اهواك بكيف الحب
وتهواني بكيف الحب
ياروحي
ياعمري
ياآخر نقطه دم
في شرياني
المرايا تعكس صورة وحده
ساعات
الملامح حزينه
ساعات
بكي
ودموع
حد العمر
تجري في داخلي
تقطر
الم
وجع
قهر
نسيان
وحرمان
وساعات
ابتسامه صغيره
وثغر
بس يضحك
بس يحكي
بس يبكي من جديد
وصوره
تتكلم للشمس
وتضوي من القمر
وخصلات شعر تلتف
على برواز الصوره
تبلل المرايا
تبلل الشعر
ويبقى الخد
تحفره دموع
وتدفنه دموع
ويتردد النظر في المرايا
وتنحبس
انفاس
الصوره
والمرايا خلفها
انا وانت
وحب جديد
وحب قديم
وذكرى
ما تنطوي
لا في الغياب
ولا في صفحه النسيان .. !!
نديم الروح
]
تعليق