تطلب قصيده وانا باعطيك من نبضي
يفداك شعري وحسي واجمل الحاني
يا كل كلي وغيرك ماوصل بعضي
احساسي العذب فيك يجمد احزاني
اطلب وماتطلبه من عاشقك مقضي
بس القصيد ؟ انا بعطيك ديواني
ياورد ياحلم يا مطر نزل بأرضي
يانفحة المسك يامدعوج الاعياني
خذ روح روحي ومن ليلي حلا غمضي
وآخذ عيونك وابي منك طلب ثاني
القلب وابشر ترى بالصون والحفظي
لو كان ياساحر البسمة تناساني
اهواك واللي مضى يامنيتي يفضي
لا شواق هزت جميع اركان وجداني
بادلني الحب خل الخوف والرفضي
شاريك من قاصي الاعماق للداني
اعزم كفايه تردد عمرنا يمضي
وارواحنا بالقصيد تذوب وتعاني