اسعد الله اوقاتكم بكل خير ومسرات
احبتي رواد هذا الصرح اطرح بين انظاركم هذه القصيدة وهي آخر ما كتبت
اتمنى ان تداعب انظاركم وانتم بصحه وعافيه




بعد ذاك الغياب وكثرة التهديد والحيره =بعد ذاك الغرور وكلمتك ارجوك تنساني

قسيتي لين قلتــــــي لي مــكانك قل تقديره =بعد ما شافتك عينك وقلتي لي ترجاني

وجيتي والندى واضح على خدك بتأثيره =حدود المعركه بانت الين الشاطي الداني

اشوف الآه في وجهك وشي اعجز بتصويره =ابد ما كان في بالي تجين بوقت. هجراني

اشـــوفك واعتقد انك كـــتاب اعجز بتـــــعبيره=لسانك اختفى مادري علامه وين وداني

نعم شفت العناء والهم واضح قبل تفسيره=عزيز القوم بعيونك رضخ لي ما تعاداني

عبوسة رسمة حجاجك عليها شبه تكشيره= نسيتي يوم ناديتك وانا اللي كنت. وحداني

واقـــــــول بنبرتي حسره ابيك لدنيتي. سيره =وقلتي ما ابي قربك ترى غيرك تمناني ؟

افــكر والفـــكر حايـــر وعقــــلي مل تفكيره =تبيني بعد ما غيرك بدالك صار يهواني؟

لوانك وحدك بديره وانا اسكن بهالديره = اصد وما ابي قربك اخاف الموت. يصلاني

تعبت الكذب والتمثيل تعبت الخوف والغيره = انا وش حدني عندك ودمرني واعماني

انا الصقار في دربي ولكن ما رجع طيره = وكيف احب لي طيرٍ الوح له ويجفاني ؟؟

فمان الله يا انتي عشقتك طفله صغيره = ورحتي ثم رجعتي لي واقول اشوف لك ثاني ؟





ولكم خالص تحياتي

المغرم