تذكر يا يبه
السلام عليكم ورحمة الله وبركاته
صبّحكم ( مسّاكم ) الله بالخير والسرور والرضا والعافية
كل عام وانتم بخير ونعمة
أقدم لكم هذه القصيدة المتواضعة علها ترتقي إلى ذائقتكم كي تنال على إعجابكم واستحسانكم ..
أقول فيها :
تذكـر يـايبـه يـومٍ شكيـت الحـال لك وابــديت
..................... ســرايــر علّـة بالجوف عشر سْنين مخفيها
***
تذكـر يــايبـه دمعـي وعينــك دمعهــا هلّيــت
..................... تقــول اصبــر علـى بلـواك بـأولهـا وتاليهـا
***
تقـول الدنيـا مـا دامت وتحلف لي برب البيت
..................... وأنـا راضــي بأمـر الله وروحـي في بلاويها
***
ولكن يـايبه ظلمـي وأنـا مـا اظن يوم أخطيت
..................... غبينــه يـايبـه أسكــت وكبــدي نـار تصليها
***
غبينـه يــايبــه أسكـت وأردّد كلمتــي يـــاليت
..................... غبينــه يــايبـه أسكــت عْيـوني الـرّمـد فيها
***
غبينــه يـايبــه والله غبينـه ويش أنــــا سوّيت
..................... عشان أستاهل الشّلفاء بصـدري لا واداريها
***
تـرى مـا زاد عــن حـدّه ضــدّه يـايبــه ملّيت
..................... حيــاتــي كلّهـا ضـاعــت صَبْر وظلـم معميها
***
صحيح إن المَثَل ما فات مـا ينفع به التصويت
..................... وروحــك يــايبـه هــالحين تسكن عند واليها
***
ولكن يـايبـه وش حيلتـي يـوم أنـت عـن أقفيت
..................... وأنـا مـالــي أحد غيـرك جروحي من يداويها
***
ولكـن يــايبــه طيفـك يجينــي كل مـــــا ونّيت
..................... يقـــول إصبــر علـى دنيــاك والله عـالمٍ بيها
***
ألا يـا طيــف أعــزّ النــاس قلّــه كان أنا زلّيت
..................... يسـامحنـي عســاه بجنـّة الفـردوس عــاليها
** *** **
وسلامتكم ..
واعذرونا على التقصير ....
تعليق