قلبي يشيل هموم ويزيدها هموم
وهموم قلبي كل يوم تزيدي
بالليل أجمع وش حصيلي من اليوم
وضيفها حتى يزيد الرصيدي
وظن هاذي حالتي دايم الدوم
حتى يقف عن دفع دمي وريدي
بأسباب من حبه على أمر مقسوم
من يوم كلمته شقيٍ سعيدي
خلن غريب أوصاف معطي ومحروم
معطي الحنان اللي بطبعه فريدي
ومحروم من عطفٍ على قلب مظلوم
لاكن قلبي في فراقه عنيدي
لاقلت للقلب اتركه قال موهوم
ما سلى عنه لو كان قلبه حديدي
ضاقت بي الدنيا من الياس والشوم
وقمت أتفكر وين أوجه قصيدي
وطرى علي اللي جهنم على القوم
وجنة لمن له بالمحبة يريدي
ورسلت له خطي مظروف ومختوم
وانا أنتظر منه الجواب المفيدي
مع تحياتي ............................... الـــمذهــــــــل
تعليق