الا ياللي تخطين القلم في الدفتر المسكين
رجيتك خطي العاثر.. الا ليتك تهدينه

تمكنتي بسما وصلي وضليتي معاي سنين
قدرتي تغيري الماضي ولكن صعب تلغينه

جبرت الدمع في ذاتي وما نزلت سوى لثنين
لرب خالق حسنك ولك يومك تودينه

قدرتي تحطمي يأسي..ملكتيني بلا تثمين
غصبتي دمعتي تنزل ونزلت يوم تطرينه

سألتك عن علا قتنا..وجاوبتيني بحرفين
(حب) غطا مافي الكون صعب فيوم تنسينه

وبعد ما مرت الايام..وشربنا الكاس زين وشين
صرتي تجرحين القلب وانا اسقيك من زينه

سألتك بأستفز رضاك..وأذكر..لعلك تحنين
قلبتي الحرف حول الحرف وقلتي (بح) تمكينه

الايا ظالمه مقساك قدرتي تجرحين العين
وفوق الجرح زدتي جرح حال القلب تفزينه

سألتيني وجاوبتك.. بعيني كلهم حلوين
انتي والزمن وجفاك..وصبري لو تطولينه