طول عمري باخاف من الحب وسيرة الحب
وظلم الحب لكل أصحابه
وأعرف حكايات مليانه آهات ودموع وأنين
والعاشقين دابوا ما تابوا
طول عمري بأقول لا أنا قد الشوق
وليالي الشوق ولا قلبي قد عذابه
وقابلتك انت لقيتك بتغير كل حياتي
ما عرفش إزاي حبيتك ما اعرفش إزاي يا حياتي
من همسة حب لقيتني باحب
لقيتني باحب وأدوب في الحب
وصبح وليل على بابه
فات من عمري سنين وسنين شفت كتير وقليل عاشقين
اللي بيشكي حاله لحاله واللي بيبكي على مواله
أهل الحب صحيح مساكين
يا ما الحب نداه على قلبي ما ردش قلبي جواب
يا ما الشوق حاول يحايلني وأقوله روح يا عذاب
يا ما عيون شاغلوني لكن ولا شغلوني
إلا عيونك إنت دول بس اللي خدوني
وبحبك أمروني
أمروني أحب لقيتني باحب
لقيتني باحب وأدوب في الحب
وصبح وليل على بابه
ياللي ظلمتوا الحب وقلتوا وعدتوا عليه
قلتوا عليه مش عارف إيه
العيب فيكم يا في حبايبكم
أما الحب يا روحي عليه
في الدنيا مافيش أبداً أبداً أحلى من الحب
نتعب>>نغلب
نشتكي منه لكن بنحب
يا سلام عالحب وتنهيده في وصال وفراق
وشموع الشوق لما يقيدوا ليل العشاق
يا سلام عالدنيا وحلاوتها في عين العشاق
يا سلام .. يا سلام على حلاوتها يا سلام .. يا سلام
وانا خدني الحب لقيتني باحب
لقيتني باحب وأدوب في الحب
وصبح وليل على بابه
ياللي مليت بالحب حياتي أهدي حياتي إليك
روحي .. قلبي .. عقلي .. حبي
كلّي ملك إيديك
صوتك .. نظراتك .. همساتك
شيء مش معقول
شيء خلى الدنيا زهور على طول
وشموع على طول
الله يا حبيبي على حبك وهنايا معاك
ولا دمعة عين جرحت قلبك ولا قولة آه
ما بقولش في حبك غير الله .. الله .. الله
وأنا خدني الحب لقيتني باحب
لقيتني باحب وأدوب في الحب
وصبح وليل على بابه
تعليق