كل عام وانت نايم وانت هــايموانت تاكل وانت تشرب
و انت تسمع هم وتطرب ..
وانت تتحدى البهايم!
وان صرخ واحد عليك
او سحب (قوطي) من يديك
قلت أنا مصلّي وصايم ..!
وانت ما عندك مشاكل
او مسائل او مظالم ..
وانت ياحظك مسيّر
مو مخيّر
تعرف دروب المآثــم!
وذي حياتك .. كل حياتك
تختصرها ... (عيون مرايم)!!
تدري بالناس و طبعها ..
يا ولد .. في كل شي فاهم!
كل عام وانت ساهم ..
وانت عايم وانت حالم ..
ويش يهمك وانت تمشي
(منسطل) .. هادي ومسالم ..
انت تحزن؟
ليش تحزن؟
و يش عندك من مآتم!!
انت تفهم
ليش تفهم..؟
وهـ الحياه .. لغز وطلاسم ..!
كل عامٍ وانت أصغر
وانت أنور ..
أخضر فـ كل المواسم ..!!
تعليق