دام ذا جديدي
دام هذا جديدي
أنا بعيش جديدي ولاني ذاكر القديم
دام الجروح طابت ليه أخلي له محل
لي حبيب بشفاته يبري الجرح السقيم
كني انسان ثاني ما وطا صدره علل
في ملامس يدينه ينسى تيتيمه اليتيم
وفي احضانه وردوريحــان ونفل
مـيم في مـيم فـي مـيم ومــيم
وبكل ميم فيه جمر اشواقي نــزل
المروه..والموده..والمهابه..به تقيم
سبحان اللي عطاه الوصف به اكتمل
في جبينه يموت ياس ياعاذل عتيم
وفي عيونه بحر عشق الغارق فيه اهبل
أتململ في غيابه كني الطفل الفطيم
ولا احس أني عايش غير لي منه وصل
صار عمري سحابه تعطي ولا تطلب عديم
كلها اشموع فرحة ما يطفيها الزعــل
أن خطيت أعذرتني ..يا حلا ذاك النديم
لا جرح قلبي بغيبه ..لاولامنه زلــل
بكل شي متفوقه ايه والله العظيــم
ميمها الرابع مواصل يجلي عني الملل
دام ذا جديدي قول وش لي بالقديـم
وشلون بيصير بقربه بس للماضي محل
تعليق