هذه القصيدة للشاعر عبدالرحمن بن مساعد كنت أبحث عنها منذ زمن
ووجدتها أخيراً ...وأحببت ان أضعها هنا ...متمنياً أن تنال إعجابكم

فقير ..وعندي المال الكثير..
فقير ..وملبسي غالي..حرير
وياصاحبي الحافي الفقير..
أبنشدك أبسألك ..
وشو الحصير.؟
وبسألك وشلون أنا آمر وأنهى ..
وإذا حكيت
قبل انتهي من كلمتي يقال لي
سم ..ويصير..
وليا شكيت من غفلتي طول زمنها
..يقال لي لا تشتكي
ماخلقت الشكوى لأمير..
وبسألك وشلون أنا مع كل ذا
أقول عن نفسي فقير!
***
يا صاحبي
لي صار للضحكة ثمن
.وصاروا اصحابي كثير
بس بثمن ...!!
والوفا...
مابه وفا... الا بثمن ...!!
أبسألك ماني فقير!
ولاصارت اقوالي حكم
ولي قالها غيري
غدت حكي قديم !!
أبسألك ماني فقير!
ولا صارت انا مانيب انا
واذا غلطت..
قالوا صحيح
و كل شي اعمله يصبح عظيم
ابسالك يا صاحبي
ماني فقير؟
***
وياصاحبي
ابنشدك ليمن جفتني دنيتي
وابتدا الدرب الطويل ..
اللي ابد ماينتهي
وانتهى العز القديم
و ماكنت اظنه ينتهي
والموت بدد فرحتي
وحطوني في قبر صغير
وحزنوا علي.. وبكوا هلي
وناس من ربعي قليل
وارتاح من وجهي كثير..
وبقيت وحدي فحيرتي
مابه احد
لا طال عمرك..
ولا تحت امرك ..
ماغير.. انا.. وخوف..
ولحد..
وحساب قدامي عسير
ووقتها ..ذكرت ..
اني من زمان ..
يوم انه امهلني الزمان..
هذا ظلمت ..
هذا جرحت..
ياما
كذبت
وذنوبي ماتحصى ..كثير
وقتها.. الي ندمت ..
ونفسي كرهت ..
عرفت ان الله كبير..
وان الهلاك
اصبح اكيد
واني انا
مالي رجا
ولا هروب من الدجى..من الجحيم
الا بأمل عندي وحيد..
ان الله.. غفار ورحيم
ابسالك يا صاحبي عني انا
في وقتها.. ماني فقير....؟!