بعد البعد ،
وبعد الوجد ،
وبعد الليل ما اتملا احزان ..
ازاي نرجع زي زمان ؟
..
كان ياما كان
كان جوايا خيال انسان
قلب غريب ملهوش عنوان
كان جوايا طفل بيحبي
كنتي له أم و نبع حنان
لما بيبكي .. كنتي تحوشي دموعه في ايدك
لما بيضحك .. كنتي تحسي في فرحته عيدك
واما اهاته تشتت ذاته
تجري تلميه بالاحضان
كنتي ملاك من رحمة و طيبة
كنا حكاية جميلة غريبة
ما اتخيلتش يوم ما بديتها
انها تختم بالاحزان
..
كان ياما كان
وبعد ما كان
غربت شمس و ليّل ليل
ليل غضبان مشحون اشجان
ليل سجان
قمره في غيم الخوف غرقان
بس في وسط ظلام الحسرة
كنت انا راسم فرحة بكرة
راسم صورتك بالالوان
لهفة تنور جوا ملامحك
شوق في خيال الروح سرحان
عين بتضمني جوا حنينها .. ايد بتمد لي كل سنينها
غنوة حب في همس شفايف
راسمة حروفها شط امان
كان الليل مشحون اشجان
بس العاشق لما بيحلم
حلمه بيزرع قلبه ايمان
ان الليل لو طول قهره
لازم اخره الفجر يبان
..
كان يا ما كان
كان ياما كان و كأنه ما كانشي
قلت الفجر ضروري يبان
بس اتقتل الفجر ما بانش
..
حلمي الأخضر مات دبلان
مات بردان
لما استنى النهر ما جاش .. و اما في حضنك ما اتدفاش
واما نده و رفضتي تردي
مات الحلم من الحرمان
..
كان ياما كان
كان فيه حب و كان فيه حنان
بس الآن ..
ما اتبقاش الا الحرمان
.. و الاحزان
وبعد الوجد ،
وبعد الليل ما اتملا احزان ..
ازاي نرجع زي زمان ؟
..
كان ياما كان
كان جوايا خيال انسان
قلب غريب ملهوش عنوان
كان جوايا طفل بيحبي
كنتي له أم و نبع حنان
لما بيبكي .. كنتي تحوشي دموعه في ايدك
لما بيضحك .. كنتي تحسي في فرحته عيدك
واما اهاته تشتت ذاته
تجري تلميه بالاحضان
كنتي ملاك من رحمة و طيبة
كنا حكاية جميلة غريبة
ما اتخيلتش يوم ما بديتها
انها تختم بالاحزان
..
كان ياما كان
وبعد ما كان
غربت شمس و ليّل ليل
ليل غضبان مشحون اشجان
ليل سجان
قمره في غيم الخوف غرقان
بس في وسط ظلام الحسرة
كنت انا راسم فرحة بكرة
راسم صورتك بالالوان
لهفة تنور جوا ملامحك
شوق في خيال الروح سرحان
عين بتضمني جوا حنينها .. ايد بتمد لي كل سنينها
غنوة حب في همس شفايف
راسمة حروفها شط امان
كان الليل مشحون اشجان
بس العاشق لما بيحلم
حلمه بيزرع قلبه ايمان
ان الليل لو طول قهره
لازم اخره الفجر يبان
..
كان يا ما كان
كان ياما كان و كأنه ما كانشي
قلت الفجر ضروري يبان
بس اتقتل الفجر ما بانش
..
حلمي الأخضر مات دبلان
مات بردان
لما استنى النهر ما جاش .. و اما في حضنك ما اتدفاش
واما نده و رفضتي تردي
مات الحلم من الحرمان
..
كان ياما كان
كان فيه حب و كان فيه حنان
بس الآن ..
ما اتبقاش الا الحرمان
.. و الاحزان
تعليق