الواد اللى ساح دمه على الاسفلتماكنش قاصد يموت
وماكانش يعرف كمان
ان السلام بلا معنى
وان الوطن باعنا
وان العالم المسخوط
فى بطن الحوت بيجمعنا
يا ولدى جيت احضنك
غرقنى دمك
لا طولت لا أهننك
على صدرى ولا اضمك
وفردت لك حجرى
اجرى يا واد اجرى
تعالى حضن امك
وندهت لاخواتك
لابوك وزملاتك
لجلن سوا نلمك
الساندويتش
الكوتش
الشنطه والكراس
الدرس دا ملحقش
يصححه الاستاذ
مسطرتك الغماز
القلم الرصاص
الجف
دمك اللى شف
صورتك على الازاز
قلبك تفاحه نطت
عضمك ازاز فى ازاز
خلوك يا ضنايا فحم
وكوم هدوم بلحم
جريت علشان اضمك
مالحقت يا ضنايا
الا بقع دمك
ناشفه على الاسفلت
ناشفه على الاسفلت
(منقول وليس من تأليفى)
تعليق