نقطة..ومن أول السطر
قالوا تعالى نشد خط
ويالا نقطة ومن اول السطر
اٍكتبى
هتعيشى فى جديد العهد
هتنسى الهموم والهجر والوعد
هتجف دموعك على طول الدرب
ضحكت بعجب وصبر
وقلت
نقطة أيه وسطر أيه
هو أنا هتملى؟
غنوة جديدة ولا قصيدة
دى صفحة باقى العمر
اطول منها مش هيمر
قالوا دى صفحة.. فيها الطرحة
فيها الفرحة
فيها السكر فيها الحلو
قلت وماله
بس تعالوا
معايا نمحى اٍمبارح
نطوى آلامه
خرجوا من قلبى كل المر
داوا الجرح
بدلوا الدم
قالوا هتنسى
بس اٍقلبى الصفحة ومن أول السطر
لاهتبكى تانى
ولا فيه أمانى
ولااٍنتظار لقطر سن
قلت آآآه لو تعرفوا
اٍنى مبقتش شايفة السطر
سيبونى أفكر يمكن أمل
بس الصفحة صعب تمر
صعب انساها
يمكن آجى وهى معايا
ويمكن تيجى هى لحدى
وتبقى النقطة آخر حرف
تعليق