أتمنى أن تحوز على رضاكم ..

وش بلاه الحظ يرجع بي ورا

............................. وش بلا دنياي ماتعطي الكثير

ووش بلا عيني محاربها الكرا (1)

............................ ووش بلا رجلي متعّبها المسير

وش بلاه الزين فيني ما درا

............................ غايبٍ عنّي وشوقي لـه كبير

والصديق يجر خطواته ورا

.............................. يبتعد عنّي وأنـا يمّه أسير

والظروف معاكسه شاللي جرا

............................ الزمان اليوم ذوّقني المرير

صابرٍ والصبر مـا فاد وبرا

...........................عِلّةٍ بـالقلب مدماها خطير

ساهرٍ ليلي وحظّي مـا سرا

..................... وإن بغيت النوم جرّحني السرير

كل مـا بالبال محبوبي طرا

................... طار عنّي النوم وضيّعت المسير

ضاقت الدنيا من اللي بي جرا

................... مـن بـقـا بالناس يمّه أستجير ؟؟
(1) الكرا : النوم
وسلامتكم
جلال الخالدي 1417هـ