لا أدري ما بال الكآبة تطاردني منذ الأمس ....لذا مزيدا من شخبطاتي تطل عليكم...

*همسه..
كثيرا ما ترد علامات الاستفهام هذه على ذهني:
منهو منا عنده....قلب خالي؟؟
منهو يقدر ...ينام ليله؟؟
خلني أحكي لك ....تعالي..
وسامري نفسي ...العليله..
وإسمعي منها...دخيلك..
كيف قلبي إحتار...وحير دليله!!
وكيف صارت حياتي....مستحيله!!

*سؤال..
لو أدري بس...
منهو يسيرها ...القلوب؟..
منهو حبسها بعناها...وهي ما تتوب؟..
عيبها إنها...
همسه واحده...
تكفيها...وتذوب..!!

*ضياع..
كنت له...حبه وشوقه..
وكان حبي..
إتفقنا ...بكل شيئ..
وإختلفنا..في كل شيئ..
وضاع ..قلبي..
وضيع كل حقوقه...

*وعد..
أذكره ..يوم وعد..
وقال ..لأجلك إنتي..
اتحدى المستحيل...مستعد..
وانتي يا شوقي...الوحيده..
ما غيرك ..أحد..
وقبل الوعد..
غادر حياتي..
....وابتعد..

*كذب..
ما أدري ..صدق والا كذب..
أدري انه..فيها انكتب...عابر سبيل..
وما أنسى قوله..
لاتظني اني في يوم..
أبتعد عنك..أو أميل..
..لا هو وفا ..ولا قدر عالمستحيل..
بس هو ...كذب..

*وداع..
..أبرتجي!!
لا تجيب للوفا طاري..
خل الوفا بحاله...وداري..
داري خوفك..داري حزنك..
لاتقرب حدود الوفا..
...ولا تقربها ..أبواب داري..
خلك بعيد..
إشبع صدود..
.......ولا تجي..

*نهايه...
..وانتهينا
..وانتهت قصة حياتي..
كنها ما ابتدت..
...وليتها ..ما ابتدت..
دام انها...ذيك الدروب..
........إتباعدت

*أمنيه..
..تمنيتك....
ضوى بظلمه تجيني..
...ومنك أرجع..
..هذاك النور لعيني..
وأشتعل بك..
دفى لباقي سنيني..
وأحتويك ..وأضيع فيك..
وأثنينا نذوب..
وبجنونك....تحتويني*...