لـذّة الوهم






وما عساه يقول لها .. حين يتربص الوقت بلغة حب متلعثمة فوق أرض هشّة بالكمائن؟ .. وما عساه يقول

حين يختلس من الأمنيات ما يشكل به وهما لذيذ .. وما عساه يقول .. حين يخشى على فضّة العشب أن تنكسر؟ .. تأمل معي هروب شاعر ، حين تأخذ الأماني شكل الجنون








تعالي .. يا بعد روحي ، أبي اشكيلك هموم البال

سنين أتصبر الشكوى وهي تجرح وتكويني

عشانك أحترق صامت .. ويصرخ داخلي رجال

يقول الدمع غرقني .. دخيلك لا تخليني

يقول لاتآمن الدنيا .. ما تنئمن يابن الحلال

علامك تعشق أوهامك .. علامك بس باليني

ومن يتبع ترى الدنيا .. تقهويه الشقى بدلال

حياة الوهم يطربها .. ونين العاشق هجيني

وقلت أرجوك تسمعني ، أنا عاشق بليّـا حبال

أنا عايش على المكتوب .. ومــكتوبي على جبيني

ظلام الليل بعروقي .. ويكسر في يدي فنجال

شربته دمٍ وظلما .. وزجاجٍ قطّـع ايديني

ولكن دنيتي وهمي .. ووهمي أعشقه موال

شسوي هذا هو حظي .. شسوي لاتلوميني

حياتي .. لاطرو اسمك ، يثور بداخلي زلزال

أحسه اسمك محرّم .. مثل دمي مثل ديني

عيوني .. إنت الفتنة ، وغيرك مافتني شال

تموت عيونهم فيني .. وأنا بك ميّته عيني!

تعالي نترك الدنيــا ، ونغرق في وهم شلال

تعالي نحرق الواقع ، رماد الوهم يكفيــني

حلال أترك هوى الدنيا ، وكل مايشرب وينكال

وحرام تفوف لحظاتي ، وزولك مايباريـــني

ياللي في داخلي اصرخ ، وثور ، وحطم الأغلال

خلاص اليوم ماتقدر .. غرامــه مكنّــه فينــــــي