هب الهوى
هب الهوى غرب واجتاح الضلوع وشـعرت () ان الليالي الجميلة هب نسناسها
مدري كبر حلمنا ولابعيني كــــــــبرت () والاهي اوهام ودي يصدق إحساســها
تنساني ايام وتجيني متى مــــــاذكرت () اليا متى وانت روحي حابس انفاســها
كنت اجمل احلام عمري بس ليه انكـسرت () يازين الاحلام لو ما ينكسر باسـها
بيديك مديت لي كاس المحبه وصــــــرت () انا اول اللي يذوق المر من كـاسـها
من يومها وانت قدام عيني ولو ما ظهرت () دايم وعيني تشوفك بين جلاســها
قدرت ولا على نفسي معك ماقــــــــدرت () لازاد عنها غيابـك زاد وسواســـــها
لو شفت حال الورق والشعر عقبك عــذرت()اللي حرق صفحة الماضي وكراسها
ماكنت اصدق يجي يوم ابتسم لانـــــظرت () اطلال ركب الليالي مر ماداســــها
والا انت لو قلت لي نادم وجيت اعـتذرت() كان اجمل ابيات شعري ينحني راســها
مافيه داعي توصيني تراي اعــــــتبرت () فرقاك ذكرى وشعري علق اجراسهــــا
يكفيني البارح اني في عيونك ســــهرت () وقفت بين العيون السود وانعــاسها
ان رحت منت اول اللي راح ولا حـــضرت () قلت الليال الجميله هب نسنـــاسها
.gif)
تعليق