،
،
وسلااااااااااااااااااتكم
،
جرح السنان ولا جروح اللساني
. . . . . . . . . . . كيف الفهد يا ناس ذيخ ٍ يعيبه
وش لك بعرض فلان يالهذرواني
. . . . . . . . . . . في مجلس الأنذال كذب ٍ وغيبه
ناس ٍ تسمع لك وترخ الأذاني
. . . . . . . . . . . ياعنك ما فيهم مراجل وهيبه
والا انت ما لك فالمجالس مكاني
. . . . . . . . . . . مجلاسك مراح الغنم والزريبه
هرجة قفى من لاش وجه الهداني
. . . . . . . . . . . يرمي سهومه لو تجي في قريبه
يا بو حمد جدي لجده مداني
. . . . . . . . . . . لا شك بعض الناس قربه مصيبه
ويا بو حمد نذلٍ بسوه رماني
. . . . . . . . . . . أنا اشهد إنه مخطين بتحسيبه
ويمناي تحشم عن شبيه الغواني
. . . . . . . . . . . وإلا يميني طايله وتغديبه
ما شاف عيبه قام يشنى زماني
. . . . . . . . . . . وقت ٍ تحداني بامور ٍ صعيبه
يا بو حمد قاسيت يتم وحناني
. . . . . . . . . . . ما هوب يتم الأب يتم الحبيبه
ويابو حمد قاسيت عقل الجناني
. . . . . . . . . . . شي ٍ يخلي أسود الراس شيبه
ويابو حمد قاسيت وقت ٍ عصاني
. . . . . . . . . . . صراع لجل الطيب نصر وغليبه
ويابو حمد حاربت ذل الهواني
. . . . . . . . . . . ذل المعاصي يودع القرم خيبه
ويابو حمد أصلي عريب المجاني
. . . . . . . . . . . حر ٍ شهر عن كل شي ٍ يعيبه
كم فلوة ٍ جتني بلايا عناني
. . . . . . . . . . . من اصايل الخيل الكرام العريبه
واقفت سلم والقلب منها يعاني
. . . . . . . . . . . ما نيب من يفرح بعرض الغريبه
وقت الجهل ياخوك ربي حماني
. . . . . . . . . . . عن الرخوم ومجلس ٍ فيه ريبه
والشكر لله وأحمد اللي هداني
. . . . . . . . . . . للحق والاسلام وسنة حبيبه
ويابو حمد اليوم عشت الأماني
. . . . . . . . . . . وبريت جروح ٍ في فوادي عطيبه
وهذي نصيحه لزلابه تراني
. . . . . . . . . . . أشوف ما للموت عنده ظريبه
الموت حق وكل هالكون فاني
. . . . . . . . . . . ودنياه تلعبه بزينه وطيبه
والنفس يغويها عدون ٍ مداني
. . . . . . . . . . . شيطان لابن آدم يريد تعذيبه
مالك ومال الناس سوى فلاني
. . . . . . . . . . . كلن على كتفه يسجل رقيبه
وفي محكم التنزيل حق ٍ وباني
. . . . . . . . . . . تكره لحم ميت وتاكله غيبه
وصلاة ربي عد من راح عاني
. . . . . . . . . . . للمسجد وسلام على نور طيبهوسلااااااااااااااااااتكم
.gif)
تعليق