الغاز شعبية ( شعر )

**شاعر النت** · 01-08-2001, 11:36 PM

جميله هذه الفكره .... وانا والله من شفت اسمك دشيت على موضوعك ... لاني اعرف ما تحمل مشاركاتك من متعه .... وبالنسبه الى اللغز ... سوف احاول في وقت ثاني ... لاني مشوش حاليا ... وابحث عن النوم

**جلال الخالدي** · 01-08-2001, 11:53 PM

فكره رائعه ياشاكر ....

ماشالله عليك وعلى أفكارك الجميله

اللغز ياشاكر صعب .... حتى المتخصص ( السهلي ) فرك لها ويقول ادور النوم

بيني وبينك أنا بعد فيني نوم وبكره خميس الواحد يحاول يجيبه

على العموم فكرتك والله ممتازه ياشاكر .... وأتمنى تواصل الجميع معها .....

وطبعاً المحاولات مطلوبه .... والحل طبعاً من كلمه ولاهو بالضروره يكون قصيد

وشكراً ياشاكر مرّه ثانيه ولا عدمناك يالغالي .... ولا عدمنا إضافاتك المميّزه

**شاعر النت** · 01-08-2001, 11:57 PM

النوووووووووم سلطان

**عذاب نون** · 02-08-2001, 12:48 AM

يا "شين واحد واحد اثنين اثنين":

الصراحة اني أغبى مخلوق على الأرض عندما تتحدث الناس عن شيء من أثنين:

الرياضيات!

و

الألغاز!

لذا:

اسمح لي...سوف أختفي من هذه الغرفة حالا.........(ركـــــــض باتجاه الباب)

رحم الله امرءا عرف قدر نفسه

_________________

نون...نون...نون: غباء + عبقرية = ؟؟

**sh1122** · 02-08-2001, 01:01 PM

مرحبا بالجميع ..
( الحمد لله ان الفكره نالت على اعجابكم )
..............
هلا باخوي العزيز وبالشاعر / محمد السهلي ... المحترم
اشكرك جزيل الشكر اخوي على كلامك الجميل . ولي الشرف ان تكون موجوداً معنا .
وخذ راحتك في حل اللغز . فأنا لست مستعجلاً على الإجابه . ( ولا تتعذر بالنوم )

..............
هلا باخوي الغالي وبالشاعر / جلال الخالدي ... المحترم
الله يسلمك اخوي والجميل هو حضورك . فهذا شرفٌ لي .
ومن ناحية الحل اللي تشوفه زين عطناه . المهم الحل يكون صحيحاً .
وعلى فكره المحاولات مطلوبه . فأنا لست مستعجلاً على الحل . اوكيه وخذ راحتك يالغالي .

..............
هلا باخوي العزيز / عذاب نون ... المحترم
لا تقول على نفسك غبي وش دعوا اخوي يعني حنا اذكياء

ولكن حاول معنا .
فأنا لست مستعجلا على الحل .

ـــــــــــــ
واشكركم جميعاً مره ثانيه على حضوركم وتشجيعكم لهذا الموضوع .
وتقبلوا تحياتي .
اخوك المحب لكم جميعاً / sh1122

**شيروود** · 03-08-2001, 04:38 AM

السلام عليكم يا شاكر....والله انك روعه...

السلام عليك يا شاكر العزيز والمحترم...باقول لك سر...أنا اكثر واحد يحب الألغاز..واكثر واحد ما يعرف يحللها..هاهاها
بحاول ولو ان لساني صار كللللله شاشاششاشي...حتى بغيت اكتب" شغز شلو= لغز حلو"..هاهاها
نعود للجد وسامح المقدمه ...اول يخوك راحت الأفكار وما قدرت اتعذر بالنوم مثل بعض الربع اللي ^ ؛
لني تو صحيت من النوم...؛
محاوله وتكفى كانها غلط ...انسها ..لنَّه شوي صعب
حيِّ شاكر واللغز عالي وعال
....... غير احاول به وانا مدري شقول
قلت ذا ريح نشا بامرالجلال
........ شال من ماها البخار وراح طول
لين صارت هالسحايب كالجبال
............ سار مشمل والهوا شرق يميل
وامطرت قدرة على ارض محال
............ لين خللتها خباري بهالسهول
كاني مشمل واللغز ماهو شمال
............. استروها يالربع عن قول"لول" ......>LOL
المهم الــمحاوله.....(عذر العاجز!!) هاهاهاها
يعل تسلم اخوي المحترم وكل الأخوة والأخوات الحاضرين ..؛
وللجميع الف تحيه...؛
ـــــ
....شيروود..

**sh1122** · 03-08-2001, 09:16 AM

مرحبا ..
وعليكم السلام ورحمة الله وبركاته .

هلا باخوي العزيز / شيروود ... المحترم
الله يسلمك اخوي على كلامك واعجابك بهذا الموضوع . ويشرفني حضورك يالغالي .
.........
ومن ناحية الاجابه اخوي .
الصراحه . قلت اجوبه متعدده . فقلت ( ريح ) و ( السحاب ) و ( المطر ) .
ولكن اريد اجابه محدده ومن كلمه واحده . لأن محاولتك هذي اعجبتني كثير .
ويعطيك العافه اخوي .

وتقبل تحياتي .
اخوك / sh1122

**ليالي الشوق** · 03-08-2001, 10:34 AM

شاكر**

يا أبو ألافكار ...!!

أولا ..مبروك لقب عضو مميز ...

تستاهل والله يا شاكر .. أنت أهل لذلك .. عليك بالعافيه .. وانشاء الله من هذا للأحسن دائما ...

ثانيا ... فكرتك جدا عجيبه ... وعجبتني .. بس الله يستر .. بتفضحنا اذا كان جوابنا خاطئ...

أعتقد والعلم عند الله يا شاكر إنها (( الرياح )) شاكر لا تقول غلط إذا غلط طرش لي رساله خاصه بيني وبينك ... لا تفضحني قدام الحساد ....

تحياتي ..

أمزح والله .. ما في هنا حساد ما في غير الأحباب ..

**sh1122** · 03-08-2001, 05:38 PM

مرحبا ..

هلا بالاخت الغاليه وبالشاعره / ليالي الشوق ... المحترمه
الله يباك فيكِ

ويعافيكِ ان شاء الله .
ويا هلا والله ويا مرحبا فيكِ من جديد .ويشرفني حضوركِ دائماً يا اختي العزيزه .
والحمد لله ان الموضوع نال على اعجابك .
وبالنسبه للغز ما راح اجاوب الحين . على شان اعطي اخواني واخواتي فرصه للتفكير شوي .

ويعطيكِ العافيه اختي على المشاركه معنا . وانا سعيد لما اراه من فعاليه على هذا الموضوع .

وتقبلي تحياتي .
اخوكِ / sh1122

**The-Maneger** · 03-08-2001, 07:40 PM

اخوي شاكر

ايش هالافكار عيني عليك ثلجه

وانت تعرفني ما اعرف للأمور هذي شعر ولغز بعد

كملت

بس لا اوصيك وانا اخوك الله الله بالالغاز السهله هماه

يالله تشااااااااااااااااووووو <=== توه متعلمها من السواق تبعهم

**sameer98** · 03-08-2001, 07:57 PM

اعتقد ان الحل هو السحاب (وهو الشي الشيل) والمطر (وهو الشي المشيول ) لان الماء عادة لا يحمل

**sh1122** · 03-08-2001, 07:58 PM

مرحبا ...

هلا باخوي الغالي / The-Maneger ... المحترم
الله يسلمك اخوي . يكفيني منك حضورك وهذا شرفٌ لي .
والحمد لله شكل الفكره اعجبتك .
ولكن حاول معنا في الحل . ولو ان الاجابه غلط بس تكون مشاركنا في الموضوع .
يعطيك العافيه على حضورك .
وتقبل تحياتي .
اخوك / sh1122

**شاعر النت** · 03-08-2001, 09:32 PM

السلام عليكم ورحمة الله وبركاته ... يا شاكر ... ظيعتنا بلغزك ... وانا ساكت وساكت ... قلت يمكن جلال ... يحلها .... لانه قطني على صخر لوووووول ....
على العموم ... ما بقى لي حل غير اني احاول ... يا شاكر انا اعتقد الشمس .....

... يالله يا جماعه نشوفك السنه الجايه ,,,, على خير ...

**شيروود** · 04-08-2001, 05:31 AM

اهلا اخي الكريم sh1122

والله يسعد يومك بالخيرات
...........
شاعر النت يمزح..هو وجلال
.........كلهم يعرف حلها و مايبغى يقول
كل منهم قال انا بترك مجال
........ للشباب اللي يبا يجرب حلـول
ومثل ماقد قلت لك في اول مقال
..... انا اشوف ان الهوا شايلٍ ما لا نشيل

حددت ياشاكر...لا تقول لا...ترى ماعندي جواب غيره..( هواءءءء)

قول صح لو مجامله يخوك..تكفى....

تحياتي.....

**ليالي الشوق** · 04-08-2001, 05:38 AM

اي عوده .. وتعليق **

صبحكم الله بالخير ...

عدت !! أتدرون لم ؟؟؟

لا لحل اللغز هذه المره .. ولكن لأسجل تعليق ... بلهجتي العاميه ..

(( ثبت لي رسميا أن دمكم كلكم عسل ....

))

منذ فتره لم ترتسم إبتسامة عريضة كالتي رسمتها تعليقاتكم وردودكم هنا ...

تحياتي للجميع ..

ولشاكر ... كل الشكر التقدير والود ...

**sh1122** · 04-08-2001, 07:48 AM

مرحبا بالجميع ..

هلا باخوي الغالي / شيروود ... المحترم
الصراحه اخوي انت اعجبتني في محاولتك للحل . وكنت قريب منه جداً .
ولكن اخطيت وابعدت . وعطيتني ( الهواء ) . للأسف اخوي .
ولكن لا أنسى محاولاتك الجميله في اصرارك للحل .
ويعطيك العافيه اخوي الغالي على تشجيعك للموضوع .
وألف شكر لك اخوي .
تقبل تحياتي .
اخوك / sh1122

**sh1122** · 04-08-2001, 07:57 AM

مرحبا ..
وعليكم السلام ورحمة الله وبركاته ...

هلا باخوي الشاعر / محمد السهلي ... المحترم
يا مرحبا بك اخوي . والصراحه ودي يصير جوابك صح .
ولكن للاسف

ولكن شاكر لك جداً على المشاركه الجميله وتشجيعك للموضوع .
..........
بس وش هالكلام اللي شفته

( تبي تغيب عنا سنه ) .
علّـمني وش السالفه زين .
ويعطيك العافه .

تقبل تحياتي .
اخوك / sh1122

**sh1122** · 04-08-2001, 07:59 AM

مرحبا ..

هلا باخوي / sameer98 ... المحترم
يا هلا فيك . واشكرك على المشاركه .
وما شاء الله عليك اخوي جوابك ( صح ) وعشره على عشره .

ويعطيك العافيه .
وتقبل تحياتي .
اخوك / sh1122

**sh1122** · 04-08-2001, 08:10 AM

مرحبا بالجميع ..

هلا بالاخت الغاليه والشاعره / ليالي الشوق ... المحترمه
الله يسلمك اختي على كلامك الجميل والرائع . وان شاء الله دائماً مبتسمه وفي راحه وسلامه .
والعسل والله هو انتي وبقلبك الطيّب . والذي جعلني احس بأني لست بغريب وانما واحدٌ منك .

اشكركِ اختي جزيل الشكر والتقدير على ما بدر منكِ من كلام أحلى من العسل وبطيت قلبك .

وتقبلي تحياتي .
اخوكِ / sh1122

الغاز شعبية ( شعر )

الغاز شعبية ( شعر )

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة